Daily Newspaper

2020 ACM Awards-ah Carrie Underwood leh Thomas Rhett ten Entertainer of the Year dawng dunin award history an siam

8

Academy of Country Music Awards chu nimin tuk khan an sem ta a, award ngaihhlut ber Entertainer of the Year award chu Carrie Underwood leh Thomas Rhett ten an dawng dun a, he award kum 55 chhung an sem tawh hi Entertainer of the Year award mi pahnihin a ruala an dawn vawi khatna a ni.

Show host Keith Urban chuan, “ACM Entertainer of the Year dawng tu chu…” tiin mak tih hmel takin award dawngtu pakhat aia tam an awm thu a sawi a, “Hei hi a vawi khatna a ni ngei ang… Ka dawng ve ang em ka hre lo… Hetiang hi ka la hre ngai lo,” tiin Underwood leh Thomas Rhett te hming a puang ta a ni.

Thomas Rhett chuan, “E khai leh! Engthil nge lo thleng ta hi? Lalpa, Isua Krista ka lawm e… Ka nupui leh fanu te min lo thlir mek tute pawh ka lawm e,” a ti.

Carrie Underwood chuan, “2020 pui ve! Lalpa ka lawm e. Pathian ropui ber rawh se. Mi duhawm tak bula min hung chhuak tu ACM chungah pawh ka lawm e. Thomas Rhett nena kan dawng dun hi ka hlim takzet a ni,” a ti ve bawk.

Carrie Underwood hian Thomas Rhett nena award an dawn dun bakah hian record dang pawh a siam a, tun tum hi Entertainer of the Year award a dawn vawi thumna niin, hmeichhe zaithiam zingah he award hi vawi thum dawng thei awm chhun a la ni. Kumin hian he category-ah hian hmeichhe nominate awm chhun a ni bawk a, Thomas bakah Luke Bryan, Eric Church leh Luke Combs te nen an lang ho a ni.

Carrie Underwood hian Entertainer of the Year award hi 2009 leh 2010-ah a lo dawng tawh a, ani tih lohah chuan Taylor Swift-i’n he award hi tum hnih a lo dawng tawh bawk a ni.

Carrie Under hi kumin ACM Awards-ah a langsar reng reng a, show hawngtu niin Grand Ole Opry, Nashville, Tennessee-ah hian ‘Before He Cheats’ hmangin show a hawng a,, rangkachak rawng kawrfual nalh zek zawk leh a mil tur heels nena stage-a a che vel a hmuhnawm hle.

Hei bakah hian Grand Ole Opry kum 95 tlin champha an lawm a, chumi rual chuan Carrie hian Patsy Cline, Loretta Lynn, Barbara Mandrell, Martina McBride, Reba McEnture leh Dolly Parton te pualin hun a hmang nghal a, a bul tan nan Carrie Underwood chuan, “Patsy leh Loretta, Martina leh Barbara, Reba leh Dolly. Heng aw chak tak tak te hi ka tan mai bakah hmeichhe zaithiam dang zawng zawng tan an hlu lutuk. Ka hero-te an ni a, Grand Ole Opry member anga an zinga kan ding thei hi ka inchhuang takzet a ni. Opry kum 95 tlin champha kan lawm rualin heng nu ropui te zahna ka hlan thei hi ka tan a hlu hle a ni,” a ti bawk.

Underwood hian Patsy hla ‘Crazy,’ Loretta hla ‘You Ain’t Woman Enough,’ Barbara hla ‘I Was Country When Country Wasn’t Cool,’ Dolly hla ‘Why’d You Come in Here,’ Reba hla ‘The Night the Lights Went Out in Georgia,’ leh Martina hla ‘A Broken Wing’ te a sa a ni.

Thomas Rhett pawh a che tha viau a, Entertainer of the Year award bakah ‘Remember You Young’ avangin video of the year a dawng tel bawk.

Luke Combs pawh a langsar pawl niin, male artist of the year leh album of the year award a dawng a, Old Dominion pawhin award pahnih- group of the year (hei hi a zawna tum thum an dawnna a ni tawh) leh ‘One Man Band’ avangin song of the year an dawng bawk.

Miranda Lambert pawhin kumin hian record a siam a, Maren Morris, Ashley McBryde, Tenille Townes, Caylee Hammack leh Elle King te nen ‘Fooled Around and Fell in Love’ hla avangin music event of the year an dawng a, he award hi hmeichhe hlangin an dawn vawi khatna a nih rualin, Miranda Lambert tan bik ACM Awards 35 a dawnna a ni ta a, zaithiam zingah ACM Award dawng hnem ber a ni. Lambert zaipui zingah Miren Morris chuan female artist of the year a dawng tel a, he award hi a vawi khat dawnnaniin, Townes pawhin new female artist of the year a dawng ve bawk.

Blake Shelton ‘God’s Country’ chuan single of the year a dawng a, Dan + Shay leh duo of the year dawngin, kum hnih a zawnin he award hi an dawng ta a.

2020 ACM Awards dawngtu te chu:
ENTERTAINER OF THE YEAR: Thomas Rhett & Carrie Underwood
FEMALE ARTIST OF THE YEAR: Maren Morris
MALE ARTIST OF THE YEAR: Luke Combs
DUO OF THE YEAR: Dan + Shay
GROUP OF THE YEAR: Old Dominion
NEW FEMALE ARTIST OF THE YEAR: Tenille Townes
NEW MALE ARTIST OF THE YEAR: Riley Green
ALBUM OF THE YEAR: What You See Is What You Get – Luke Combs
SINGLE OF THE YEAR: “God’s Country” – Blake Shelton
SONG OF THE YEAR: “One Man Band” – Old Dominion
VIDEO OF THE YEAR: “Remember You Young” – Thomas Rhett
SONGWRITER OF THE YEAR: Hillary Lindsey
MUSIC EVENT OF THE YEAR: “Fooled Around and Fell in Love” – Miranda Lambert feat. Maren Morris, Ashley McBryde, Tenille Townes, Caylee Hammack & Elle King

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy