October ni 5 a sem tur 2023 Billboard Latin Music Awards Finalist an puang ta a, Peso Pluma a langsar ber a, category 15-ah finalist nihna 21 a nei a, chung zingah chuan Artist of the Year, Songwriter of the Year, Global 200 Latin Artist of the Year leh Top Latin Album of the Year te pawh a tel.
Eslabon Armado nena an thawh dunna ‘Ella Baila Sola’ chuan finalist nihna paruk a nei a, chung zingah chuan Hot Latin Song of the Year, Global 200 Latin Song of the Year leh Sales Song of the Year te pawh a tel a, Yng Lvcas a thawh puina ‘La Bebe’ chu category panga-ah langin, chung zingah chuan Latin Song of the Year leh Latin Rhythm Song of the Year te pawh a tel.
Bad Bunny leh Grupo Frontera ten finalist nihna 15 ve ve neiin, Peso Pluma an dawt a, Bad Bunny hi Artist of the Year, Tour of the Year, Global 200 Latin Artist of the Year leh Global 200 Latin Song of the Year-ah te pawh a lang. Grupo Frontera pawh hi Artist of the Year leh Global 200 Latin Artist of the Year-ah langin, Fuerza Regida an thawhpuina ‘Bebe Dame’ avangin finalist nihna panga an nei, Bad Bunny an thawhpuina ‘un X100to’ avangin finalist nihna pali an nei bawk.
Nikuma he award finalist-ah hmeichhe lang hnem ber ni tawh Karol G chu kuminah pawh hmeichhe zaithiam zinga lang hnem ber a ni leh ta a, finalist nihna 13 a nei a, chung zingah chuan rtist of the Year, Tour of the Year leh Top Latin Album of the Year a tel a, Shakira nena an thawh dunna ‘TQG’ avangin Hot Latin Song of the Year leh Latin Airplay Song of the Year-ah te a lang tel bawk.
Shakira pawhin finalist nihna 12 a nei a, chung zingah chuan Hot Latin Songs Artist of the Year, Female leh Latin Pop Artist of the Year a tel a, a hla hit, Bizarrap nena an thawh dunna ‘BZRP Music Sessions, Vol.53’ chu Latin Pop Song of the Year leh Sales Song of the Year a lang bawk.
2023 Billboard Latin Music Awards Finalist-ah Peso Pluma a langsar
