2023 Trace Awards-ah Rema & Davido an langsar
African music tana chawimawina sang Trace Awards chu kumin atan an sem leh ta a, Rema leh Davido an langsar ber a, award pahnih ve ve an dawng. 2023 Trace Awards hi Kigali, Rwanda-ah October ni 21 khan an sem a, African leh Afro-influenced musician te tana chawimawina a ni.
Rema hian a hla hit ‘Calm Down’ featuring Selena Gomez avangin song of the year a dawng a, best global African artist a dawng bawk (Best global African artist hi Nomcebo nen an dawng dun). ‘Calm Down’ hi Billboard Hot 100-ah No.3 a kai thei a ni.
Davido hian best male a dawn bakah Musa Keys nena an thawh dunna ‘Unavailable’ avangin best collaboration a dawng bawk.
Burna Boy pawhin a album ‘Love Damini’ avangin album of the year a dawng a, 2Face hnenah lifetime achievement award hlan a ni a, Eazi hnenah Change Maker award hlan a ni bawk.
2023 Trace Awards-ah Rema & Davido an langsar
