2024 Brit Awards-ah RAYE a langsar

2024 Brit Awards-ah RAYE a langsar
2024 Brit Awards an sem a RAYE a langsar ber a, award paruk a dawng a, Miley Cyrus, Dya Lipa, boygenius leh SZA te pawhin award an dawng e. RAYE hian record siamin, zan khat thil thua Brit Awards dawng hnem ber a ni. A hmaa hetiang record chu chu tum khata award pali dawng niin, Harry Styles (2023), Adele (2016) leh Blur (1995) ten record hi an siamho a, mahse, RAYE hian a rawn khum ta a ni.
RAYE award paruk dawn te hi award ngaihhlut tak tak niin artist of the year, album of the year, song of the year, R&B act, new artist leh songwriter of the year te a ni a, chuti taka khawvelin a hriat lar ni ni lem lo mah se tunah chuan RAYE hi khawvelin a hre lar telh telh dawn a ang khawp mai.
RAYE pawh a lawm ngang a ni ang, album of the year award a dawn lawmthu a sawi laiin a hnuk a ulh a, “He thil hi ka tana a hlut zia inhrethiam pha lo ang…national television a tah chu hmel a chhe duh dawn ve. Artist nih ve mai ka duh thin. Tunah chuan album of the year dawng thei artist ka ni ta tlat,” a ti.
RAYE hian ‘My 21st Century Blues’ avangin album of the year a dawng a, ‘Escapisim’ featuring 070 Shake avangin song of the year a dawng bawk. Escapism hi a vanglaiin Official UK Singles Chart-ah No.1 a kai a, Billboard Hot 100 (singles chart)-ah erawh No.22 a kai pha chauh thung.
Brit Awards hi The O2 arena, London-ah March ni 2 khan an sem a, Clara Amfo, Maya Jama leh Roman Kemp ten award semna show an host. He award hi British hoin rimawi lama award an sem thin, Brtistih-ho Grammy an tih ve mai thin a ni.
Miley Cyrus ‘Flowers’-in international song of the year a dawng a, he category-ah nominee 15 awmin, chung zingah chuan Miley ‘Flowers’ hian award hi a dawng ta a ni. ‘Flowers’ hi IFPI-in top-selling global single of 2023-ah an puang a, February ni 4-a an sem tak Grammy-ah khan record of the year a dawng tawh bawk.
SZA-in international artist of the year a dawng a, he category-ah hian Miley Cyrus, Olivia Rodrigo, Kylie Minogue leh Taylor Swift te nen an awmho a, heng zaithiam rual awm khawmna category-a award dawngtu nih chu a nuam duh ve khawp ang.
Boygenius pawhin international group of the year an dawng a, anni hi hmeichhe rual group zinga he category-a award dawng thei pangana niin, hmeichhe hlang group dang The Bangles (1987), TLC (2000), Destiny’s Child (2002) leh HAIM (2021) ten he award hi an lo dawng tawh bawk.
2024 Brit Awards winners:
Mastercard album of the year : RAYE, My 21st Century Blues, Human Re Sources/The Orchard
Artist of the year : RAYE, Human Re Sources/The Orchard
Group of the year : Jungle, Caiola/AWAL
Best new artist : RAYE, Human Re Sources/The Orchard
Song of the year : “Escapism,” RAYE ft 070 Shake, Human Re Sources/The Orchard
International artist of the year : SZA, RCA/Sony Music
International group of the year : Boygenius, Polydor/Interscope/Universal Music Group
International song of the year : “Flowers,” Miley Cyrus, Columbia Records/Sony Music
Alternative/rock act : Bring Me The Horizon, RCA/Sony Music
Hip-hop/grime/rap act : CASISDEAD, XL Recordings
Dance act : Calvin Harris, Columbia/Sony Music
Pop act : Dua Lipa, Warner Records/Warner Music
R&B act : RAYE, Human Re Sources/The Orchard
Brits rising star : The Last Dinner Party, Island / Universal Music UK
Producer of the Year : Chase & Status
Songwriter of the Year : RAYE
Global Icon Award : Kylie Minogue