2024 Olympics: Seine luia tui inhleuhsiak ten bacteria laka inven nan Coca-Cola an in
France a lui hmingthang tak, Seine luipuiah 2024 Olympics tuihleuh lama intihsiakna neih a ni a, mahse, he Seine luipui hi a thianghlim tawk lo ni a sawi a awm a, tuihleuh thiam ten pumna leh kawthalo laka inven nan Seine luia tui an hleuh zawh rualin an pum thuah nan Coca-Cola in an intihhmuh nasa hle.
Seine lui tui hi a main bacteria chi khat E. coli tamna niin report a awm a, infiammi te tana tui inhleuhsiak na turin a tui a tianghlim tawk lo niin sawi a awm a, hei vang hian infiammi thenkhat chuan Seine luia tui an hleuh zawh velah Coca-Cola in an intih hmuh a, hei hi an pum vennan a tha niin an sawi.
New Zealand triathlete Ainsley Throp chuan The Wall Street Journal-in an kawmnaa Coca-Cola in chu a pawina a awm lo tiin, “Intihsiak zawha Coke in hi a pawina em em a awm lo. Han Google mah ula, a tangkai ve thei tih inhre mai ang,” tiin bacteria laka inven nan Coca-Cola chu a tha ve thei niin a sawi.
Olympian dang pawhin Coca-Cola hi kawthuah nan an hman thin tu sawiin, Australian swimmer Moesha Johnson chuan, “A tawpah kan kawthuah nan Coca-Cola kan in fo alawm. Professional ten min hrilh ang chu ka zawm ve mai thin,” a ti.
Coca-Cola vela awm, soda hi pum tan a tha ni a sawi a awm ve thin reng reng a, hetihlai ian American Gastroenterological Association a president Dr. Maria Abreu chuan hetiang hi thil tak tak a nih leh nih loh engmah finfiah a nih loh avanga sawichian theih a neih loh thu a sawi a, chutihrualin pum hrisel tha pangngai chu coke aiin a acidic zawk niin a sawi a, chuvangin Coca-Cola-in pum chhunga bacteria a tihhlum theihna chhan tur awma a hriat loh thu a sawi ve thung a, “Infiammi, kum lamah pawh la naupang zawk an ni a. Hrisel tha pangngai tura ngaih an ni a, an puma acid awm sa pawh tha leh chak tawk tur a ni,” a ti.
Seine lui tui hi a thianghlim tawk lo tih chu Games tan hma atanga sawi hlawh a ni tawh a, France sorkar pawhin Olympic maraton swimmer te intihsiak nana hman theih tura tihthianghlim tumin dollar tluklehdingawn 1.5 vel lui thenfai nan a hmang niin an sawi a, Seine luiah hian a tui a thianghlim tawk loh avangin 1923 atangin tui chen an lo khap tawh nghe nghe a ni.
2024 Olympics: Seine luia tui inhleuhsiak ten bacteria laka inven nan Coca-Cola an in
