March ni 10, 2024-a sem tur Oscars chu Jimmy Kimmel-a’n a host dawn tih an puang ta. Nakkum Oscars hi Dolby Theatre, Ovation Hollywood-ah sem a ni dawn a, Kimmel hian he award show hi a vawi li a host-na tur a ni tawh a, Kimmel chuan, “Oscar hi vawi li tal host thei ila tiin ka lo suangtuah thin,” a ti.
Kimmel hian a vawi khat nan 2017 khan he award show hi a host a, 2018 leh 2023-ah te a host leh tawh a, a tum li nan 2024-ah a host leh dawn a ni. Oscars hi tum li emaw a aia tam emaw host thei mi panga chiah an la awm a, Kimmel hi a parukna tur niin, Billy Crystal (9), Johnny Carson (5), Whoopi Goldberg (4) leh Jack Lemmon (4) te hnung a zui ve dawn ta a ni.
Kimmel, kum 56, hian January 2003-a ABC-in Jimmy Kimmel Live! an tihchhuah atangin he show hi a la host char char a, zanrei lam television show chhum lo chat loa kal rei ber a ni tawh a, he show-ah hian executive producer a ni bawk. Kimmel hian Primetime Emmy Awards pawh 2012, 2016 leh 2020-ah te a lo host tawh bawk a ni
2024 Oscar host tur Jimmy Kimmel
