Daily Newspaper

Box office-ah ‘Space Jam 2’ a No.1


Chhungkaw kima en theih chi, animation-live action basketball thiam hmingthang LeBron James channa ‘Space Jam: A New Legacy’ chuan tun weekend kalta khan US-ah cinema hall ticket hralhna atangin dollar maktaduaio 31.65 lalutin, North American box office No.1-ah a debut.

Space Jam 2 hi film sum sen tamna niin, dollar maktaduai 150 senga siam a ni a, box office-ah No.1 mah se dinhmun hi a tha lutuk lo. A film hi 1996-a an lo siam tawh, basketball star Michael Jordan channa ‘Space Jam’ chhunzawmna ang deuh a ni a, HBO Max-ah en theihin a awm bawk. Space Jam 2 hian US pawn lamah pawh dollar maktaduai 23 a la lut thei a, tihian opening weekend-a a lakluh zawng zawng chu dollar maktaduai 54.65 a tling ta a ni.

Kar kalta box office No.1, Scarlett Johansson channa, Marvel superhero movie Black Widow-in dollar maktaduai 26.25 a lalut leh a, No.2-ah a tawlh. Black Widow hi a kar hnihnaah cinema hall ticket hralh 65%-in a tlahniam a, chuti chung chuan a la No.2 thei. Black Widow hi piracy a nasa hle a, chu chu ticket hralhah pawh a lang niin an ngai deuh a ni.

Black Widow hian ni 10 chhungin US-ah dollar maktaduai 132 a lalut tling tawh a, US pawn lamah dollar maktaduai 264 lalut tawh bawkin, a vaiin dollar maktaduai 324 chu a tlin der tawh.

Film tlangzarh thar psychological thriller Escape Room: Champion of Tournaments-in dollar maktaduai 8.8 lalutin No.3-ah a debut a, documentary film thar RoadrunnerA: A FIlm About Anthony Bourdain pawhin dollar maktaduai 1.9 lalutin, No.8-ah a debut a, Nicolas Cage channa ‘Pig’-in dollar 9,45,000 lalutin No.10 a kai ve bawk.

F9 a la che tha riau a, dollar maktaduai 7.6 lalut lehin No.4 a la ni a, he film hian US-ah dollar maktaduai 154.8 a lalut tling tawh a, COVID hripui len hnuah US-ah cinema hall ticket hralhna atanga dollar maktaduai 150 chin lalut thei pahnihna a ni a, US pawn lamah dollar maktaduai 436.4 lalut tawh bawkin, dollar maktaduai 600 a tlin teuh tawh hle.

A Quiet Place Part II awhin dollar maktaduai 2.3 lalut lehin No.7 a la ni a, he film hi US-a COVID len hnuah cinema hall ticket hralhna atanga dollar maktaduai 150 chin lalut thei hmasa ber niin, tunah chuan dollar maktaduai 155 a lalut tling tawh a, khawvel huapin dollar maktaduai 286 a lalut tawh bawk.

North American box office top 10:
Space Jam: A New Legacy $31.65M
Black Widow $26.25M
Escape Room: Tournament of Champions $8.8M
F9 $7.6M
Boss Baby: Family Business $4.7M
Forever Purge $4.16M
A Quiet Place Part II $2.3M
Roadrunner $1.9M
Cruella $1.1M
Pig $945K

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy