Daily Newspaper

6th Țhazual Awards (Lengzem) an sem ta

19

Zonet cable TV leh Music Domain Mizoram (MDM) țangkawpin an buatsaih 6th Țhazual Awards chu Lengzem category bik atan Vanapa Hall-ah Zirtawpni zan khan award an sem ve leh ta a, cagtegory pasarih-ah award pekchhuah a ni.

Ningani zan kalta khan Țhazual Awards hi Gospel bik atan sem a lo ni tawh a, category paruk-ah award sem a lo ni tawh bawk. Kumin hian hripui leng avangin mipui punkhawm a remchang lo va, award sem pawh sorkar inkaihhruaina anga kalpui a nih theih nan zan hnih hun hman a ni a, award semna hmunah hian chanvo neitu te chauh an tel a ni.

Țhazual Awards (Lengzem) show zan hnihna pawh hi a zan hmasa zawka host, Rini Hlondo bawkin a host leh a, Mood Station, Jojo, Zaii Hauchhum, Sangkimi Khiangte, Grace 10:45, Awmtea Polymer, Feli Fanai leh Keimah Senes x Tlangval Tlumtea te an perform.

Kumin Țhazual Awards (Lengzem) dawngtute hi Esther Lalpekhlui tih loh chu an vawi khat dawnna vek a ni a, Essy-i hian 2015 khan Best New Artist a lo dawng tawh a, kuminah group/duo-ah award a dawng leh ta a, midang zawng chu kumin hi Țhazual Awards an vawikhat dawnna vek a ni.

Best Male Artist dawngtu Lalnunkenga @ Manuna Chuaungo chuan award a dawng thei chu lawmawm a tih thu sawiin, “Kan zai ve țanna a rei ve tawh a, beisei tawh loh lamah kan dawng ve hlawl a. Țhalai tam tak zaithiam tak tak an rawn chhuak tawh a, keini punk rock leh emo lek lek lam khan, hetiang hip hop leh R&B lar vanglaia ka dawng hi a lawmawm ka ti. MDM leh Zonet hian zaithiamte min chawisang a, zaithiamte tana sulsutu pawimawh tak an ni a,” a ti.

Manuna hi rimawi khawvelah kum 15 chuang a lo inhmang ve tawh a, 2005 khan Rimawi Khawvel award te pawh a lo dawng ve zak zak tawh a, a award dawn hmasak ber atanga kum 15-ah award dang a dawng leh thei chu a lawmawm a tih thu a sawi bawk a ni.

2020 Țhazual Awards (Lengzem) dawngtute chu:
Best Mizo Traditional Artist: R Laithangpuii
Best Female Artist Lengzem: Jaui
Best Male Artist Lengzem: Manuna Chuaungo
Best Music Video Lengzem: ‘Chawngtinleri’- Michelle Varte
Best Songwriter Lengzem: RP-a Ralte (‘I țang ka belh lai khan’ – Van Hlei Sung)
Beat Group Duo Lengzem – ‘Min ui lo ami’ Essy ft JT Production (Esther Lalpekhlui & Lalnunzawma Jongte)
Best New Artist Lengzem: Van Hlei Sung

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy