Mizo Writers Association chuan Mizoram Assembly-in ‘Eigth Schedule to the Constitution of India-ah Mizo tawng hi telh tura hmalak ni rawh se’ tih an pass avanga an lawm thu an sawi a, party hrang hrang atanga sawite’n an thlawp avanga lawmawm an tih thu an sawi bawk.
“Mizo Writers Association hi Mizo ziak mite’n hma an sawn theihna tura pawl din a ni a, kan hmalakna zinga pawimawh tak Mizo ziak mite tana hmasawnna a awm theih nan hian India danpui 8th Schedule-a Mizo tawng dah hi a pawimawh hle a,” tiin, Assembly-ah an pass avanga lawmawm an tih thu an sawi.
Zo hnahthlak peng hrang hrangte tawng humhalha tihmasawn turin theihtawp an chhuah zel dawn tih an thuchhuahah hian an sawi a, “Chutih rualin, tuna kan hman mek ‘Mizo tawng’ hi Zofate kan inbiakpawh tawn theihna leh kan hman tlanglawn (lingua franca) ber a nih avangin inpumkhatna atan a pawimawh a, hma a sawn zel theihna tur leh a than zel theih nan hma a la mek zel a. Mizo tawng hi Zo hnahthlak chi peng hrang hrangte tawng infin khamwin a siam a nih avangin Mizo tawngin hma a sawn rual hian chi peng dang tawngte pawhin hma a sawn ve zel kan beisei tlat a ni,” an ti.
8th Schedule-a Mizo \awng telh tumna pass vangin lawm
