Daily Newspaper

A bultannaah Serena chak

10

World number one hlui Serena Williams chu tunlai hian Ken-tucky lama Top Seed Open-ah inlan m>kin, Thawhlehni khan set hmasa ber a hloh zet hnuah 4-6 6-4 6-1-in a chipui Bernarda Pera a hneh a, thlaruk chhung-a inelna a hmachhawn vawikhatna a ni.

Grand Slam singles title 23 tehreng la tling tawh American hi set khatnaah 4-6-a a tlawm hnu set hnihnaah pawh a la talbuai chho leh a, 4-4 a nih laiin 0-40-in a hniam hman a, darkar hnih leh minute 15 an khelh hnuah harsa takin a round hmasaber hnehna a sualchhuak.

Williams hian kha aia khel tha thei zawk tur a nih thu a sawi a; a match khelh leh turah a laizawn Venus Williams a tum dawn a; world number one hlui ve bawk Venus hian inkhel dangah harsatna a t^wk ve lo a, 6-3 6-2-in Victoria Azarenka a paltlang.

Top Seed Open hm^ chiaha Serena tournament khelh hnuhnungber chu kumin February thla Fed Cup tie-a US-in Latvia an tum tum daih tawh kha niin, tuntuma a khelmual lut hi a pasal Alexis Ohanian leh a fanu Alexis Olympia Ohanian-te’n a hmunah an tawiawm nghe nghe.

Serena Williams hi tunthla tawp lama khelh tan tur US Open leh September thlaa khelh tura ruahman French Open khel turin a inbuatsaih mek a, Kentucky khawpuia Top Seed Open khelh tan kumah star inlan zinga pakhat a ni mek bawk.

Top Seed Tennis Club, Lexington, Ken-tucky-a tournament kal mekah hian Ame-rican tleirawl kum 16 mi world number 53 Coco Gauff pawh a chipui Caroline Dole-hide lakah 7-5 7-5-in a chak ve bawk.
Inkhel dangah US Open champion hlui Sloane Stephens chu rinloh takin Canadian Leylah Fernandez lakah a tl^wm ringawt a, Kazakhstan nula Yulia Putinseva chuan Australia player Ajla Tomljanovic a hneh ve thung.

He tournament hi police kuta American mihang George Floyd a tualthih hnua he rama women’s tour nghah hmasakber niin, game khelh dawnah court luahtute’n ‘Black Lives Matter’ slogan an aupui a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy