Daily Newspaper

A chung berah Mmbai

8

Pathianni zana ISL khelhah Mumbai FC chu-an si hnih faiin Odhisa FC an hneh a, table ler an luah kir leh. Inkhel dangah FC Goa chuan Kerala Blasters FC an hnehin, palina an luah zui leh bawk.

Mumbai FC hian point khat chauh la hmu a, table hnuai ber dawttu luah mek Odhisa FC an hmachhawn a, chawlh-lawk hmaa goal hnih an thun chak puiin, table chung berah an kir leh theih phah. He inkhel hmuhnawm ang reng takah hian minute 30-naah Mumbai FC hian penalty an hlawhchhuak a, Bartholomew Ogbeche chuan pet goal in, hma-hruaina goal a thun. Minute 45-naah Rowllin Borges chuan an goal hnihna a thun zui leh a, hnehna pawimawh tak an chang zui ta a ni.

ISL hmahruaitu Mu-mbai FC hian vawi li khel tawhin, vawithum an chak a, vawikhat tlawm zawkah an tang. An hneh tak Odhisa FC khan vawi li khel tawh in, vawithum an tlawm a, draw vawikhat neiin point khat chiah an hmu a. Vawithum tlawm zawn tawh a, point la hmu lo East Bengal chungah an awm.

Pathianni zan vek khan FC Goa chuan season thara chak ni hmel la hmu lo Kerala Blasters an hmachhawn a, 3-1 in an chak. FC Goa tan hian Igor Angulo chuan goal hnih a thun a, Jorge Ortíz-a’n goal khat a thun bawk. ISL-a pahnihna ni mek ATK Mohun Bagan chuan nizan khan pa-riatna ni mek Jamshed-pur FC an hmachhawn a, point an hlawhchhuak a nih chuan Mumbai FC lehpelin, table chung berah an awm ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy