RK Dawla
Mb 9366095658
1. Lo hâl rûnpui hun kan thleng tep a. Nisa a sen leh rûm ang a, thlifimin meipât a thehdarh leh viau dawn a ni. Pawi ta ber erawh chu, a nawlpuia lo hal luih luih ngaia kan la khawsa hlawm tlat hi… Kumin phei chu sawhthing hmun siam thar kan tam ang reng a, kumdang aiin lo hâl effect kan tuar na deuhin a rinawm. Zo thlifim leh tuihnâ a uihawm thin hle mai…
2. Kan ram tam zawk awih tlan niin phaizawl tihtham kan nei lova. Kan phaizawl neih chhunte chhawr kim thei ila chuan kawng tam takah kan intodelh ngei ang. Mahsela, phaizawl chhawr tangkai thei farmer population erawh a pumpui ngaihtuah chuan kan tam lutuk âwm love. Hei vang hian kan ram awihtlante hi kumhlun leh tharhlawk tura kan chhawr thiam a pawimawh hle mai a. Ram awihtlana kan harsatna ber chu leilung kalral hi a ni a. Hei hi ram tidatu leh thlai ti-tlo-lotu pui ber pawh a ni. Leilung ber a dâk tawh chuan, a fit lova, thlai a normal tak tak thei tawh lova, buaina namên lo a intan tawh thin…
3. Thlai kumhlun leh damrei chingtute tân leilung enkawl hi a pawimawh zual a. Hnim sâm tawpin engtin tin emaw kum 10/15 chu kan tlingtla mai a. Mahsela, thangkhat lian zet leilung lam kan ngaihthah kha, a sawhkhawk a rawn thlen tawh vêk chuan, thlaiin natna a chhar âwl lova, eichhetu rannungin an zuam bik êm êm thin. Hei vang hian, huan thlai kumhlun tân, leilung enkawl kan thiam a pawimawh êm êm. Kan sawi tawh angin kan ram chu a awihtlan tlangpui a, thal na tak hnu-ah ruah bawhawk kan dawng chiam thin. Hei hi leilung tidatu nasa ber a ni. Kan ram mila leilung enkawl thiam hi kan mamawh êm êm. Hei vang hian kan khua leh kan huan, Ramlaituiah Basic training kan buatsaih thin a. Course fee Rs 2000/head niin, nilaithawhtan zan atanga zirtawp zan (zirtawpniin farm practical) inkar training kan buatsaih thin. Training subject-ah hian Sustainable Slope management, Panhnah chin dan leh Thermophilic Composting siam dan kan inzirtir thin a. Tunkar nilaithawhtanni pawh hian 3rd Batch kan la leh dawn a. Seat 10 chauh batch khatah kan siam thin a. Tharhlawk leh daihrei tura leilung enkawl ngai pawimawh tak takte chuan phone number 9366095658-ah hian Call or Whatsapp-in min rawn be dawn nia. Kan ram leilung hi danglam bikin Pathianin a siam a, vairam leh hmun dang anga kan tih ve ngawt rem lo tam tak a awm. Hlawk hluai, a kum tela zuih telh telh ai chuan; hlâwk vantlang, a kum tela hlâwk telh telh kha a pawimawh zawk a ni.
4. Kan sik leh sa mumal lo chho hi kan tuar chho telh telh dawn a, hmun tam takah phei chuan kan tuar mêk tawh zawk. Khua a tlai hma hian, Mizoram mila leilung buatsaih leh enkawl thiam kan ngai êm êm. Dept leh Agency huaihawtin, training kan kal fo thin. TA/DA kan dawng a, free luch leh Notebook nen… Mahsela, chuti chung chuan kan hlawkpui lutuk mang tlat lo. Tuna kan training kalpui tawh chinah chuan, farmer-ten sum, hun leh tha sêng ngeia thil an rawn zir hi chuan, an hlawkpui mai a ni lo, an hahpui! Nakin lawka kan ram hmelhmang tidanglam thei tura potential nei tha pui pui, thalai farmer pawh kan inhmuchhuak nual nghe nghe. Tin, thil hi a zira zir leh zir lova thawh nghal ngawt hi kar hla tak a ni. Tunlai khawvelah chuan chemtum leh tuthlawh nên ngawt chuan thui a thlen theih tawh love. Technology, skills leh efficiency a pawimawh takzet tawh a, trend inthlâk leh environment hisap paha chêt la thiam tur chuan kan hriam hmasak a ngai hle. Farm hlawhtling tak tak tur chuan Capital ai pawhin a farmer (a mihringa tak kha) leh envinronment kha a pawimawh hmasa zawk a, chutiang tur chuan training-ah hian theihtawp tak meuh kan chhuah thin a ni. Tin, training chhuakte hi whatsapp group hmangin kan invil zui bawk a, kan ramah DAMNGLAMNA an thlen ngei theih nân englai pawhin kan invil zui reng thin e.