Daily Newspaper

A fan ten US President chuh turin Taylor Swift an sawm

10

A fan ten US President chuh turin Taylor Swift an sawm
Kanye West-a’n kumin US inthlanpuiah president chuh a tum thu a puan hnu lawkah Kanye West nena inhmu tuihnai lo tawh laklawh Taylor Swift chu a fan-ten president hi chuh ve turin an sawm nghal a, amah Swift ngei pawhin Twitter-ah, “Lo ngawi lawk teh u, ani chuan President atan ka tha zawk ngei ang,” a lo ti ve zauh bawk.

Swift leh West hi 2009 MTV Video Music Awards an sem tuma Taylor Swift-i’n Video of the Year Award a dawn, stage-a lawmthu a sawi lai tibuai a, a mic lak sak a, award chu Beyonce-i’n a phu zawk tih vela a sapatal hnuah a career pawhin a tawrh phah a, award semna hrang hrangah pawh a hnawng ta deuh tlat.

Hun a kal a, an inbe tha leh ta deuh a, chutah 2016-ah Kanye West hian ‘Famous’ tih hla a tichhuak leh a, a music video-ah Swift saruak lem chu West bulah khuma a mu lai te tilangin, Taylor Swift chu a chhuah chhe leh hle a, chuta Swift lungawi lo chu Kanye nupui Kim Kardashian-i’n Swift leh West te phone call record a tichhuak zui ve leh a, an boruak a chhe ta telh telh a ni.

Taylor Swift hi a fan ten US President chuh turin duh viau mah se an ram danin a la phalsak tlat lo. US-ah hian presidential candidate ni tur chuan kum 35 tal nih phawt a ngai a, Swift hian kum 5 vel a la mamawh tlat. Chutih laiin West erawh kum 43 a ni tawh e.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy