RK Dawla
Mb 9366095658
1. October thla tâwp kan thleng tan a. Ruahtui tlêm tham beisei hlek thei dinhmunah kan ding a. Mahsela, tampui erawh kan beisei ngam tawh lovang chu. Khua a ro chho ang a, leilung a hul chak chho ang a, tuihnâ pawh a nghawng chho tan ang. A ngaihtuah thui zualte phei chuan, kawngpui lian tak tak lai a, leivung kan theh liam mai maite hi kan inchhir rum rum chho dawn…
2. Kan khawvel tunlai hun hi kan hriatthiam a tul hle. Khua a lum telh telh a, a tipunlun turin Ramngaw thiah leh luidung sawisak kan ching bawk si a. Tichuan, kan leilung nihphung hi tunhna aiin a danglam chak ta hle a. |hál a nâ a, hei hian leia tawihthli (carbon) leh hnawng a riral chak a. Chu chu kan thlaiah rawn langchhuakin, natna leh chaw tha kham lo hmel angin a rawn langchhuak a. Damdawi leh vitamins ang zawngin lo do lêt kan tum fova. A dik lo kan ti dawt thei lova, mahsela rei kan inchhandam lovang tih hlauhawm tak a ni. A chhan bulfûk, a kaikuang atanga kan tan a ngai zawk tih kan hrechhuak tlai ang tih hlauhawm tak a ni. Foreign leh state dang thlai lalût ringawt emaw, an technology apply ve ngawtin ram ropui kan thleng dawn lo. Pathianin ram tin hi danglam bikin a siam a. Chutiangin kan ram pawh Sikkim leh Canada emaw Somalia leh Switzerland emaw angin a siam lo. Kan ram leilung enkawl dan dik tak hi kan ram chhung atang ngeia kan dap chhuah a ngai, foreign atanga zirchhuah chi ni pawhin a lang lo.
3. Tin, sum lei chhuak tur ngar ngarin, thlai chi khat, bit leh zing takin kan ching (monoculture) mêk bawk. Hei hi environment tihchhiatna bul pakhat a ni. Kumhlun thlai mal, bit taka kan ching thin hi Tlangram lo neih aia Environment tichhe nasatu zawk a ni. Hei hi kan man thiam a ngai. Kan sawi fo tawh angin, monoculture-ah chuan diversity a awm hlei thei lova, nutrient imbalance a thleng thuai thuai a. Chutih laiin Pathianin leilung a duan dan chu diversity leh nutrient cycling-a innghat tlat a ni thung. Hnam changkang zawkte chuan hmanraw changkang tak tak leh mithiam bik ruaiin an farm an enkawl thei a. Chutiang tithei Mizoramah kan awm mumal ve lova. An tihdan entawn ngawt thei kan ni lo. Kan sik leh sa leh leilung nihphung tinreng a danglam êm êm bawk. Chuvangin, kan ram mil leilung enkawl dan hi kan zawn chhuah a ngai. Kan ruahtui dawn dan mil te, kan ram awih dan mil te, kan ramhmul awmsa leh leilung nihphung azira chêt kan lâk thiam a hun tawh takzet a ni.
4. October thla tawp atanga November chhung hian, kan Mizoram sik leh sa leh awih dan mila leilung enkawl dan hi a taka Training kalpui kan tum ve a. Ni 2 chhung awh turin, a takin kan zirho dawn a ni. Tlo leh daihrei tura leilung enkawl hi kan ram kuthnathawktu zawng zawngte NEXT STEP chu a ni. Tin, he training course – Sustainable Slope Management hi Agency leh Dept lamin an lo tih fo tawh dan ni lo deuhin, TA/DA a awm dawn lova. Course fee tlem azawng chawi a ngai thung dawn a ni. A hrechiang duh tân mobile no. 9366095658 -ah hian kan zawt chiang dawn nia. Kan ram hi chhan tlâk a la awmin kan hria a. Chemical fertilizer leh pesticide hmanga kan tihchhiat vek hma hian, kan lo in-tah-hriam lâwk a, danglam tura hma kan lâk chhoh a hun tawh êm êm e.