A ha a lawng ton 700 hnuk tawlhin record siam
Egyptian Ashraf Mahrous, kum 44, chuan lawng ton 700 (kg 6,35,000 vel) a rit, tuia awm lai chu hruia thlungin, hrui hmawrah sehin, lawng chu a hnuk tawlh thei!
Ashraf hi professional wrestler a ni a, pachak tak mai a ni a, Red Sea kama khawpui pakhat Hurghada lawng chawlhnaah record hi a siam a ni. A record hi Guinness lamin official-in an la pawmpui lo a, tuna ha hmanga lawng hnuk rit ber record chu ton 614 a ni a, he record hi Ashraf hian a rawn khum vang vang a ni.
Ashraf Marous hi a hming lemah ‘Kabonga’ te pawh an lo ti thin a, Egyptian Federation for Professional Wrestler-a an hruaitu a ni mek a, kumtir lam khan record chi dang a lo siam tawh bawk a, a ha hmangin rel (train) ton 279 (kg 2,53,100 vel) a rit hnuk tawlhin record a siam a, feet 33 dawna thui a hnuk tawlh nghe nghe a ni. Hei bakah hian turck pound 34,684 (kg 15,730 vel) a rit meter 100 a thui hnuk tawlhin record te pawh a lo siam tawh bawk.
A ha a lawng ton 700 hnuk tawlhin record siam
