Daily Newspaper

A hmatawngte ngaihsak turin sawrkar phut

32

Covid-19 leng mekah a hmatawnga thawk, a bikin medical team-te ngaihsaka anmahni cho phur nan hamthatna siamsak turin sawrkar an phut thu Congress party chuan an sawi.

Thuchhuah siamin MPCC chuan, hrilengin Mizoram a tihbuai atanga ram himna tura mahni nunna leh hriselna thapa hna thawktu, medical lama hmatawngte an chhuang a, chutihlaiin hamthatna leh an inpeknate duhsaknaa chhanlet an ni lo chu pawi an tih thu a tarlang.

A bikin sample test-tute an hahin an indaih lo hle tih sawiin, ni khata sample sang chuang enfiah chang an ngah tak thute, mahni in lum pawh luah hman loa thawktu medical team-te an fakawmin chawimawi an phu thute a tarlang. ‘Heti chung hian MNF sawrkar chuan khawl chhawr takin a chhawr a, an phu em em hamthatna leh duhsakna dang pe turin sawrkar kan phut a ni,’ a ti.

State hausa zawkte khaikhin a theih loh laiin, state thenawmte pawhin medical frontline worker-te an duatthiam hle tih MPCC hian sawiin, ‘Tripura sawrkar chuan Covid-19 hmatawnga thawktu doctor-te chu khar khatah hamthatna/incentive Rs. 10000 a pe a, nursing staff-te Rs. 5000 leh health worker dangte Rs.2000 a pe. Sikkim chuan cho phurnan leh duhsakna lantirnan one-time cash incentive doctor-te hnenah Rs.20000, nursing staff-te Rs. 10000 leh thawktu dangte Rs.5000 a pe a. Assam chuan Asha worker-te thla thum chhung an hlawh bakah Rs.1000 a pe dawn a ni,’ a ti.

Covid leng laka vengchhung, khawtual himna tura tlawmngaia thawktu task force zinga Covid-19 kai, mahni sum senga inenkawl an awm niin MPCC thuchhuah hian a tarlang a. ‘Hei hi sawrkar mualphona a ni a, a phawvuaka buai mai mai loin he hrileng dona kawngah sawrkar hian mumal leh awmze nei zawkin tan la se kan duh a ni,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy