Ukrainian pachak chuan a khabehmul, nghawng leh ha hmangin Guinness World Record chi thum a siam. A hming chu Dmytro Hrunskyi a ni a, khabehmul hmanga lirthnei hnuk kal rit thei bera ni.
Hrunskyi hian 2019 khan record siam tumin a lo bei tawh a, mahse, a hlawhtling lo, a khabehmul a thil hawk mai a ni. Mahse, a khabehmul chu zuah lehin, a vawi hnih nan record siam tumin a bei leh a, a hlawhtling ta. Bus tê chi (minibus) pound 5,687 (Kg 2580 vel) a rit a hnuk tawlh thei ta a, record a siam. A hmaa hetiang record chu pound 4,303 a rit a ni.
Hrunskyi hian nghawng hmanga lirthri hnuk tawlh rit thei ber record a siam bawk a, truck pound 17,107 (kg 7760 vel) a rit chu feet 16.4 a thui a hnuk tawlh thei a, hetiang record siam hmasa ber a ni.
A record pathumna chu ha hmanga car hnuk tawlh tam thei ber record a ni ve thung. Car te chu neutral-ah dah vek an ni a, a khalhtu (driver) an chuang vek bawk a, a ha hmanga car a hnuh tawlh rih zawng belhkhawm chu pound 19,365 (kg 8784 vel) a rit a ni.
A khabe hmul, nghawng leh ha hmangin record siam
