A puangtu Lalhmerliani Fanai a liam ta
All India Radio Aizawla thupuangtu lar tak thin Lalhmerliani Fanai (71) d/o Thangdela (L) chu July 2 zing khan cancer vangin a thi.
AIR announcer (Grade I) Lalhmerliani Fanai hi AIR Aizawl-a thawktu hmasa zingah telin, kum 1968 khan a thawk tan a, kum 1970-ah a nghetin a lut a ni. Hemi atang hian kum 2014 thleng khan AIR ah hian a thawk a, Mizoram atanga announcer Grade-I awmchhun a ni.
Mizoram mipuiin thuthar hriatna leh Mizo hla, Vai hla leh Sap hla kan hriatna zinga hmanraw lar hmasa ber, mipui nawlpuiin radio kan hmelhriat tan tirh atanga mi tam takin a ‘aw’ atanga an ngaihzawn leh ngainat ni thin Lalhmerliani Fanai hi kum 1970 leh 80 chhoa seilian tan chuan hming hriat hlawh ber zingah a tel a. Kum 43 AIR-a a service hnu ah senior grade annoucer-in kum 2014 khan a pension a ni.
Amah hi lehkhabu chhiar taima tak a ni a, lehkha pakhat “Nghilh Loh Nan” tih a tichhuak hman a ni.
2024 February khan clon cancer a nei tih hriatchhuah a ni a, theihtawpa enkawl nghal ni mah se, Thawhlehni zing dar 8.26 khan a chawl ta a, hemi ni vek hian vui a ni.
Lalhmerliani Fanai hian a fanu, DDK Aizawl reporter Ezrela Dalidia Fanai leh a chhungte dang a kalsan a ni.
A puangtu Lalhmerliani Fanai a liam ta
