Daily Newspaper

A standby girl i ni em?

15

Social networking pawh kan nitin nunah hmun pawimawh changtu a ni tawh a, chutiang bawkin kan inngaihzawnna leh inlaichina pawh a kalkawng a danglam ve hret hret zel a, tunge ka ‘add’ ang a, tunge ka ‘delete’ ang tih pawh kan in-date danin a hril ta.

Mipain a duh che niawm takin a rawn text che a, mahse, a reh leh daih a, a hnu deuah a rawn lang leh a. Chutiang chuan a tikual deuh reng che a, a rilru tak tak hriatthiam harsa i ti a ni mai thei. Tunlai relationship tawngkam takin a ‘benched’ che tihna a ni. A duh ve deuh tho che a, mahse, nang aia duh leh thlakhlelh zawk a nei a, han thlah fel hmak che a ui ve deuh bawk si a, midang an remchan loh huna a lunglen hnemtuah a hmang che tihna a ni thei.

Hetianga chet ching tawh laklawh chuan sim har an ti viau lehnghal. A ruala hmeichhe pathum ngaizawng thei te pawh an awm, a ngaihzawng zingah chuan duh ber a nei a, a dawttu leh a pathumna te pawh a nei ang, mahse, tumah an inhre tawn si lo ang. Midang an rem loh kara a lunglen khawhar intihhlim nan nang kha a hmang che a ni thei. Fimkhur hle tur a ni.

A serious pui tak tak duh lo che ang a, chutih rualin in inkar chu a titawp duh chuang si lo ang. Chuvang chuan a pawh beh theih dan tur chein, Facebook emaw, WhatsApp emaw, SMS emaw hmangin a text deuh zeuh zeuh ang che. Tikhan inhmuh kher ngai lo vin, engtikah emaw midang an rem loh huna date atan a duh che tihna a ni.

A thiante nen a inhmelhriat tir lem lo che ang a, i thiante pawh a hmelhriat tha duh chuang lo ang. In pahniha chhuah dun a khat raih ang a, chhuah dunna turah eng chhuanlam emaw neiin a thulh san leh thin ang che. Mahse, a text fo si ang che. Chutiang mipa chu i tawng a nih chuan a ‘standby girl’ i ni tih inhrethiam mai ang che.

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy