Mipakhat, i in-text pui deuh reng a awm a, chupa chuan i lakah rilru no deuh a pu em tih hriat theih dan a awm e, an ti tlat mai. Tlang taka a rilru put hmang hrilh che a hreh a, a tum lo pawh a ni thei, mahse, a text thin dan che atanga hriat theih dan tur a awm e.
Khai le, a rawn text thintu che khan a chhai deuh che em tih hre turin heng te hi lo enfiah teh:
1. A chang chuan i rin loh deuh hunah a rawn text ang che. Hei hian a hre reng che tih a lantir. Nilenga rawn text deuh sek che kha a hreh a, a rawn ti deuh zeuh zeuh. Mahse, a reh deuh vang vang a ‘I tha maw’ tih emaw ‘Eng nge i tih dawn’ tih ringawt a thawn che pawhin awmzia a lo nei reng thei. ‘Va ngaihawm ve’ tih ringawt te pawh.
2. Smileys leh emoticons te hi thua kan sawi hreh si tihlanna tha tak a ni. A text tawpah emoticons romantic tak tak a rawn dah tel deuh fo a nih chuan a haw lutuk lo che tih lantirna a ni.
3. Text sei duah ni lo, mahse, ngaihtuah ngai deuh si te a rawn thawn ngai che em. Engtin nge ka chhan ang aw, ti a ngaihtuah chhunzawm ngai chi te. Entir nan ‘Zanin eng nge i tih dawn?’ tih ang chi te. Eng emaw a zawt deuh sek che a nih chuan a ngaihven ru riau che tih a hriat mai.
4. A changin a text hun i nghah deuh vang vang a ngai thin em? Desperate lutuk anga lan a duh lo a ni thei a, mamawh lutuk leh duh huam huam anga lan a duh lo pawh a ni thei. A inla zei ve riau tihna a nih chu. Chu chu hrethiam rawh, a hnawl vang che a ni lo a nia.
5. I text vak hman loh tumin (a text i chhang let hman lo pawh a ni thei) emaw, tawi te tein i chhang a ni thei. Chutiang hunah chuan a chhan a zawt ngai che em. Chutiang a nih chuan a chiang thawkhatah ngai mai rawh.
6. I duh zawng leh duh loh zawng te a zawt ngai che em? Chutiang hriat a chak viau a nih chuan i lakah a rilru a no riau tih hrethiam mai rawh.
7. I thiante chanchin a zawt ngai che em? Chutiang a nih chuan a rilruah i tla na tih a chiang.
8. Mipa dang chanchin i sawipui dawn chuan a thinrim emaw, a chhang tha duh vak lo che emaw, topic a thlak daih zel a nih chuan hrethiam mai rawh.
9. I chhungte a ngaihven a, i chhungte fel a tih thu te a sawi emaw, inchhungkua a fak emaw a nih chuan, thildang vang a ni lo tih hrethiam ang che.
10. A hmeichhe ngainat ang chi leh kawm nuam a tih chi i nih thu a sawi ngai em? A nupui duhzawng a sawi te nangmah nen an inang riau em? Chutiang a nih chuan a duh che tihna a nih chu!
A text atangin a rilru i hre thei!
