Daily Newspaper

A thih hnuah US-ah Pop Smoke a lar

12

Pop Smoke, a hming tak Bashar Barakah Jackson, chuan a thih hnuah a damlaia a la fan ngai loh ram a thleng ta mawlh mawlh mai, a vawi khat nan Billboard Artist 100 chart-ah a No.1 ta.

Billboard Artist 100 chart hi kar khat chhunga US-a album leh hla hralh tam dan te, radio-a an zaitir nasat dan leh streaming bakah social media fan interaction te chu tehna atana hmangin chart ranking hi siam thin a ni a, kar khat chhunga US-a zaithiam lar ber tihna a ni.

Pop Smoke hi kar kalta Artist 100 chart-ah No.73 niin, tunkar chart No.1-ah a invawrh a, hetianga a invawrh theihna chhan hi a thih hnua a album ‘Shoot for the Stars Aim for the Moon’ Billboard 200 (albums) chart No.1-a a debut vang a ni. A studio album hmasa ber ‘Shoot for the Stars Aim for the Moon’ chu kar khat chhungin US-ah copy 2,51,000 hralhin chart No.1-ah a debut a, hei bakah hian Billboard Hot 100 (singles) chart top 10-ah a lang bawk a, chu chuan Artist 100 chart-ah a vawrh sang ta a ni.

Pop Smoke hi February ni 19 khan Hollywood Hills-a a chennaah hmaituam silai keng lutin an kaphlum a, kum 20 mi a ni.

Kar kalta No.1 Lil Baby chu No.2-ah a tawlh a, DaBaby pawh No.2 atangin No.3-ah a tawlh a, Post Malone pawh No.3 atangin No.4-ah a tawlh a, Harry Styles chu No.5-ah bawk a la awm ve thung.

Billboard Artist 100 Top 10:
1 Pop Smoke
2 Lil Baby
3 DaBaby
4 Post Malone
5 Harry Styles
6 Luke Combs
7 The Weeknd
8 BTS
9 Roddy Ricch
10 Dua Lipa

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy