Corporate social responsibility (CSR) kaltlanga 2022 November-a Lungleia lung lam leh cancer natna a thlawna inentirna neih hmalakna kalzelah phai hospital lama zai ngai lung natna nei mi pasarih leh an chhungte chuan Chennai an thleng tawh.
Heng damlote hi Shri Ramachandra Medical Centre Chennai-ah Nilaini khan admit nghal niin, a thlawnin zai an ni dawn a, damdawi ina an awm man leh an inenkawlna man zawng zawng hi a thlawn veka tih sak an ni dawn.
Damlo zai turte hi mipa paruk leh hmeichhia pakhat niin, an zinga naupang ber hi mipa kum hnih mi a ni a, upa ber chu mipa kum 75 mi a ni. Salem Veng Lunglei, Lunglawn Lunglei, Ramthar Lunglei, Sethlun Lunglei, Bazar Veng Hnahthial atangin mi pakhat theuh leh Rangte khua atangin mi pahnih an ni.
He ruahmanna hi Lunglei district administration leh Shri Ramachandra Medical Centre Chennai tangdun tih niin, CSR hnuaia hmalakna a ni.
A thlawnin lung zai sak dawn
