Daily Newspaper

A tum khat nan IBPS RRB exam Mizoramah

6

Institute of Banking Personnel Selection-in Regional Rural Banks Common Recruitment exam a buatsaih thin chu kuminah a vawikhatna atan Mizoramah neih a ni dawn a. Officer exam bik erawh a vaiin Mizorama tih theih ala ni dawn lo thung.

Mizoram Rural Bank hotute sawi danin, kumin September 12-25 chhunga IBPS RRB recruitment exam awm turah Mizo candidate-ten Mizoram pawna zin ngai loa an exam theih nana hmalakna hi sawiin, April khan IBPS hnenah Mizo candidate-ten state pawn zin ngai loa Mizorama an exam theih nan a tul anga exam centre hawng turin an dil a, an dil angin Lungleiah exam phalsak an ni. Mahse, exam centre awmchhun NIELIT a remchan loh avangin Lungleiah exam centre an nei thei ta lo a ni.

Online exam theihna facility-te zawng tura IBPS-in a tih angin, NIELIT Aizawl, MZU, Govt. Zirtiri Residential Science College, Zocomp, NIC, MYC, Equity leh NIELIT Lunglei an bia a. Covid-19 boruak vangin exam conduct phalna state sawrkar (DM&R department) atangin an dil hmu bawk.

IBPS lamin exam centre-a hman theih tur an endik hnuah exam nan iON Digital, MZU, Govt. Zirtiri College, NIELIT te hman a ni dawn a. Hmun dang an biakte hi an khawl that tawk loh vang leh compatible tawk loh avangin exam centre atan a tlak loh, tiin report a ni.

NIELIT-ah hian September 12,13,18,19 leh 25 ah NEET exam tur ruahman lawk tawh a awm avangin IBPS exam hi a rem dawn lo bawk a ni.
RRB officer scale-I hi September 12&13 ah exam a ni dawn a. Candidate 3100 vel awmin, mi 1500 vel Mizoram centre-a leng thei chinten Mizoramah an exam anga, a bak mi 1600 vel chu Silchar-a exam tura tih an ni. Exam ni turah NIELIT hi rem thei se mi 1000 vel chu Silchar kal an ngaih loh phah tura ngaih a ni.

Office assistant hi September 18,19 leh 25 a exam tur a ni a. Office assistant exam tur hian iON Digital, MZU, Zirtiri College leh NIELIT te hman a rem dawn a – Mizoramah candidate zawng zawng an exam theih vek beisei a ni.

MRB hotute chuan Mizoram-in online exam theihna facility kan lo la nei tlem deuh chu nakin zela tan lak tlanna tur nia an hriat thu an sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy