Zobiakvela(Masena)
Mi sual nih hlawh hi a har lo teh e. Tualthah, Ei rûk leh pawngsual case awrh kher ngai lo hian a lo sual khawp mai!!
• In Office leh School-a in thawhpui pakhat, a nghet lo (MR) lehnghal chu tan hun Dar 9:00am-ah a rawn thleng ngai meuh lo a. Dar 11:00am-ah te, a duh hun hunah, a châng leh a lo kal lo va. A nam ther ther fo lehnghal a. Chawhnu lamah tû-mah hrilh loin a bo zing hle. A nihin a ni ta em em love, tiin, châwl tawh mai turin i ti ta a, mi hriat thiamna nei lo, misual i lo ni ta!
• In awmpui nula chu a fuh vak lo a, a tho tlai a, a taima lo a, TV leh phone a buaipui deuh reng a. Chaw a chhum fuh thei lo a, tirh a har hle bawk. In awm loh hlanin thil rû chhuakin a tlanbo duh mai ang tih in hlauh avangin in chhuahtir ta nge nge a! A hnuah a dang in lâk leh pawh a hmasa aia nikhua lo zawk mah a lo ni leh a, in chhuah tir leh a. Awmpui pawh nei thei lo, mi khirhkhiap chhungkua in lo ni leh ta! In va sual tak!
• I mistiri rawih chu a lo tlai thei hlê a. Hna tan hun tawhah mei zu-in, kuhva ei a han siam kual té te a. Hmanrua a han tâh hriam leh meuh chuan dar 10:00am a hnai hle tawh a! Tlai lamah ban hma ngawt ngaihtuahin dar 3:00pm bawrah chuan a zá deuh chung zel bawk si a… chuti ziah mai chu tiin, i chhawr zui duh ta lo a. Rethei zâwkte harsatna pawh hrethiam lo, mi sual i lo ni leh ta!
• Kawng kama i Serthlum huan chu a rah hunah kawng kal apiangin an vawm tla a, a hmuna an ei tur bâk, áh haw an chîng bawk si a! Pal i ping phei ta a… mi uikawm tak, mi sual nih i hlawh leh ta!
• In driver lah chu petrol la tur leh whorkshop-ah pawh tirh ngam loh, sikret zûk reng duh, kuhva heh si, tirh dawna chhuanlam siam chîng, pa ber chauh hlau, mi dang chu engahmah ngai lo a ni a. I chawlhtir ta a. Driver pawh nei rei thei lo, mi sual chhungkua in ni! Kohhran Upa, in nu lah hmeichhe lam hruaitu ni siin in sual lutuk!
• I thian hlui, inhmuh châng apianga “Khawi maw?” tia pawisa dil ziah che a awm a. I pe deuh ziah a. A rui nawi i phâwk zui fo a. Chhiat tawhna, mithi vui zawhah tum khat a dil leh che chu, pawisa i ah remchan loh thu i hrilh ta a! A len kual velnaah chuan thian hluite pawh hre lo, inla hausa si, tunhma lama in harsat laia a lo puih nasat tawh em em kha i lo ni âwm a! I va’n sual tak!
• In nu eichawp dawr chu a lian bik vak lo. |henawm lawka chhungkaw pakhat chuan an bat sak che a. Bâ a inkhâwl zel a, thla 3 hnuah an leiba chu an pe thei tawh em? tih i zâwt a. Mi zinga bâ thin chîng, kan be tawh lo ang, an bâ pawh hi kan pe duh dawn em ni? an ti che, i va’n sual tak!
• I patea fapa, a nu leh pain an thihsan tawh, zu duh ve tak hian a duh chang changin a rawn tlawh cheu va. Kawr thar lei a ngen loh leh pheikhawk thar, a rawn rui ziah bawk a.
Nakinah chuan, i insiam that hma chuan mi rawn tlawh tawh suh, rui chung phei chuan naupang hmuhah kan duh lo. Awm tha la, kan hnenah i awm ang a, a remchang changte i thawk ve ang a, i ti a. Mual letliamah chuan, nupa sual, thisen zawmpui, fahrah pawh lainat lova hnawtchhuak in ni ta! In van sual tak!
|HAT LOH THEIHNA MUAL HI A LO TAM VIAU MAI.. !!