Daily Newspaper

A vawi khat nan BEP MTV VMA stage-ah an inlan dawn

9

Black Eyed Peas chu kumin MTV VMA semnaah stage-ah an perform ve dawn ta a, an group hi MTV VMA main stage-a an vawi khat perform-na tur a ni, BEP hian kum 17 kalta khan khan Radio City Music Hall-ah VMA pre-show-ah an hla hit ‘Where Is the Love?’ an perform tawh a, mahse, tun hi a main show-a an vawi khat inlanna tur a ni,

An vanglaia khawvel al chhuak group, hla hit tak tak nei ni si MTV VMA stage-a an lo la perform miah lo hi a mak zawk khawp mai. August ni 30-ah VMA semnaah hian an hla thar ‘Vida Loca’ an perform dawn a ni. BEP frontman will.i.am chuan, “Han dawn kir ila, Black Eyed Peas hi MTV Video Music Awards-ah kan la perform miah lo mai hi rin pawh a harsa zawk,” a ti ve hial a, “Chart topper ni a, MTV VMA ang stage liana inlan bawk chu malsawmna a ni. Hetiang thil kan tawn theihna kan fan-te chungah lawmthu kan sawi a, kan vawi khat perform-na turah hian special takin ‘Vida Loca’ kan chhawp chhuak ang,” a ti bawk.

Vida Loca-ah hian Nicky leh Tyga ten an feature-a, a hla hi BEP studio album pariatna ‘Translation’ ami a ni. BEP hi J Balvin pawhin a pui dawn niawmin report a awm bawk.

BEP hian MTV VMA hi pahnih an dawng tawh , 2004 khan ‘Hey Mama’ avangin best choreography an dawng a, 2006-ah an hla hit ‘My Humps’ avangin best hip-hop video an dawng tawh bawk. 2009-10 khan mak angreng takin nomination-ah an lang lo tlat a, hemi kum hi Billboard Hot 100-a No.1 kai thei hla pathum an neih kum a ni.

Tun tum MTV VMA-ah hian rapper DaBaby pawh a vawi khat nan a perform dawn a, Roddy Ricch nen an hla hit ‘Rockstar’ an peform ang. DaBaby hi kumin hian category pathum-ah nominate a ni a, artist of the year leh best hip-hop leh best choreography-ah te a lang.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy