A vawi khat nan Mizo Hit Charts an puang
Jonathan Lianhna leh Youngfella an No.1
Hun bituk chhunga YouTube-a an music video entu an neih tam dan atanga teha chart an siam Mizo Hit Charts chu a vawi khat nan June ni 6 zan khan puan a ni ta a, gospel category-ah Jonathan Lianhna ‘Ka thlang sual lo’ chu No.1 niin, lengzem lamah Youngfella x Smiley ‘Hmangaihna dik lo’ a No.1 ve thung. Mizo Hit Charts hi Runmawi leh Zo Event Org. tangkawpin an buatsaih a ni.
Mizo Hit Charts hmasa berah hian tun thla li chhung (February 1, 2023 – May 31, 2023) YouTube-a zaithiam te music video entu neih tam dan atanga tehin chart ranking hi siam a ni a, tun atang chuan thla tin kalpui an tum tawh dawn a, thla khat chhunga music video entu ngah dan atangin chart ranking an siam tawh ang.
Gospel chart-ah Jonathan Lianhna ‘Ka Thlang Sual lo’ hi February ni 18, 2023-ah YouTube-ah upload a ni a, May ni 31 thlengin vawi 11,21,647 en a hlawh hman a, tun thla li chhunga mizo gospel music video entu ngah ber niin, chart-ah a No.1 ta a ni.
No.2 chu Maruati ‘Isua a tel ve’ tih music video niin, February ni 25, 2023-ah YouTube-ah upload a ni a, May ni 31 thlengin vawi 5,39,161 en a hlawh hman. No.3 chu Zoramchhani ‘Hringnun’ niin, February ni 25-a upload niin, May ni 31 thlengin vawi 4,23,203 en a hlawh hman a, March ni 8 a upaload, vawi 2,32,959 en hlawh hman Hlimhlimi & Betsy ‘Thisen Vangin’ tih music video-in a dawt a, Mizoram Synod Choir ‘Lawmthu ka hrilh che’ tih chu top five khartu niin, February ni 28 leh May ni 31 inkarah vawi 1,96,785 en a hlawh hman a ni.
Lengzem chart-ah Youngfella x Smiley ‘Hmangaihna dik lo’ chu No.1 niin, he music video hi March ni 6-ah YouTube-ah upload niin, May ni 31 thlengin vawi 42,52,847 en a hlawh hman a, tun thla li chhunga mizo lengzem music video entu ngah ber niin chart-ah a No.1 ta a ni.
February ni 2-a upload, Chinlung chuak Artist ‘We are the world’ chuan May ni 31 thlengin vawi 33,00,566 en a hlawh hman a, chart-ah No.2 niin, Saiwana Sailo ‘Run nuam’-in March 11 leh May 31 inkarah vawi 28,43,317 en hlawh hmanin, No.3 a ni a, Sangtei Khuptong ‘D Rukte’ chuan February ni 16 leh May ni 31 inkarah vawi 24,81,447 en a hlawh hman a, No.4 niin, April ni 11 leh May ni 31 inakara vawi 20,88,025 en hlawh hman Ruatpuii ‘Hmangaihtu dik’ chu No.5 a ni bawk.
Mizo Hit Chart May 2023
Gospel
1. Jonathan Lianhna – Ka thlang sual lo (11,21,647 views)
2. Maruati – Isua a tel ve (5,39,161 views)
3. Zoramchhani – Hringnun (4,23,203 views)
4. Hlimhlimi & Betsy – Thisen Vangin (2,32,959 views)
5. Mizoram Synod Choir – Lawmthu ka hrilh che (1,96,785 views)
6. Zorema Khiangte – Maltin Sawmtu (1,55,504 views)
7. One in Christ – Lalpan min pui a ni (1,38,043 views)
8. Mizoram Synod Choir – Lalpa chak lo mah ila )1,15,276 views)
9. One in Christ – Misual Chhandamna (99,123 views)
10. Angaihtei – A tho leh ta (92,632 views)
Lengzem
1. Youngfella x Smiley – Hmangaihna dik lo (42,52,847 views)
2. Chinlung chuak Artist – We are the world (33,00,566 views)
3. Saiwana Sailo – Run nuam (28,43,317 views)
4. Sangtei Khuptong – D rukte (24,81,447 views)
5. Ruatpuii – Hmangaihtu dik (20,88m025 views)
6. Rebecca x Youngfella – Hriat ka duh (16,50,046 views)
7. Rebecca Lallawmsangi – Ka rohlu ber (11,60,826 views)
8. Yoingfella, S.Dawg, Mic Khan – Wow Wow (8,61,798 views)
9. David Darlong – Lungdum (6,90,771 views)
10. Benjamin Sum – Len ka nuam (4,84,649 views)