December 7, Inrinni zing khan Major League Soccer Cup final khelh a ni a, inkhelh hmuhnawm takah LA Galaxy chuan 2-1 in an khingpui New York Red Bulls an hneh a, a vawi ruk nan an champion.
He inelna vawi nga champion a, champion ngun ber ni mek LA Galaxy hian Dignity Health Sports Park-ah an khel tha leh viau a, champion phuin an inlan. LA tan hian Joseph Paintsil chuan inkhel tan atanga minute 9-na lekah Dejan Joveljic chuan hmahruaina goal a thun. Hma takah goal an thun vangin an inringtawk leh zual a, goal pawh an thun belh leh thuai. Hmahruaina goal an thun atanga minute li hnu lekah Joseph Paintsil chuan an goal hnihna a thun a, an hmahruaina a tizau.
Goal hnih chhuah zawn mah se New York Red Bulls an hawihil rei lova goal pawh an thun ve thuai. Sean Nealis chuan minute 28-naah goal thunin an si phurh a sut then. Hma takah goal thun ngawt lut bawk mah se hun tawp thlengin goal dang a luh belh thei tawh lova, LA Galxy chu MLS Soccer Cup-ah a vawi ruk nan an champion zui ta a ni.
A vawi ruk nan LA Galaxy an champion
