Daily Newspaper

Aamir Khan-a’n Turkey First Lady a kawm

7

Bollywood star Aamir Khan chu a film thar ‘Laal Singh Chadhha’ chan chhunzawm turin Turkey-ah a thlawk lut a, Turkey-ah hian fans thahnem takin an lo lawm lai thlalak a darh hnuah Turkey First Lady Emine Erdogan nena an inkawm lai thlalak a darh leh bawk.

Emine Erdogan hian a Twitter-ah Aamir Khana nena an thlalak tweet-in, “@aamir_khan khawvel hriat hlawh Indian actor, film siamtu leh director ni bawk nen hlim takinIstanbul-ah kan inkawm. Aamit-a’n Turkey hmun hrang hrangah a film thar ‘Laal Singh Chadhha’ an chang tur hi a lawmawm hle a ni. Hmuh a chakawm tawh khawp mai,” a ti.

‘Laal Singh Chadhha’ shooting hi coronavirus hripui leng avanga India sorkarin ram pum huap lockdown a puan avangin an chawlhsan a, a film pawh hi kumina tlangzarh an tum a ni nain nakum atan an sawn leh ta a. Tunah lockdown an hlip leh ta bawk a, Laal Singh Chadhha shooting pawh an chhunzawm leh ta a ni. He film-ah hian Aamir Khan leh Kareena Kapoor te an chang dun a, a film Hollywood film Tom Hanks channa ‘Forrest Gump’ entawna chan a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy