AAP zirlai pawl, CYSS-AAP chuan zirlaiten tribal scholarship an la dawn theih loh chhan bawhzuiin Thawhtanni khan chief secretary hmuh an tum a, hmu thei ta lo mah se, scholarship sem dan tura ruahmanna te hrilhfiah an ni.
CYSS-AAP hian scholarship dawn theihlohnaah hian Mizoram chief secretary Dr Renu Sharma hmuh tumin a office awmna, MINECO kawtah an pungkhawm a. Chief secretary hian hmuhna hun siam lo mah se, scholarship pekchhuah turin pawmpui a nih tur thu a hrilh avangin hemi chungchanga an meeting hi an lo nghak zui a ni.
Thutkhawm a zawh velah Higher & Technical Education principal secrectary Esther Lalruatkimi leh Mizoram Scholarship Board secrectary PL Ramliana te chu CYSS-AAP hian an thutkhawmna kawtah an hmu nghal a, an ni hian chief secretary hoa Screening Committee-ah scholarship chu pekchhuah tura pawm a nih thu an hrilh tih an sawi a ni.
MSB secretary hian an ni lam chuan engkim an peihfel thlap tawh a, approval hi Election Commission of India hnuaiah a lut leh anga, vawiin (Novemnber 13) a tihfel hman a nih chuan an ni lchu sem chhuak nghal turin an inpeih vek tawh tih a hrilh tih an sawi a ni.
CYSS- AAP chuan scholarship la dawng lo te tan sem thuai a ni tur chu lawmawm an tih thu sawiin, sem a nih hma chu an umzui zel dawn tih an sawi a ni.
AAP zirlai pawlin scho nawr
