Election Commission of India-in Mizoram MLA inthlanpui atana vote thlak tura polling station pan thei lo (absentee voter) – kum 80 chunglam (senior citizen) leh vohbik (person with disability – PwD) te tana postal ballot hmanga mahni inchhunga vote thlak theih dan (home voting) a ruahman angin Kolasib district-a assembly bial pathumah Inrinni atang khan absentee voter-ten postal ballot hmangin vote an thlak tan
In lama vote thlak tur absentee voter-te vote thlaktir turin Kolasib district-a assembly bial pathum – Tuirial, Kolasib leh Serlui bialah Mobile Polling Team pakhat theuh siam a ni.
Tuirial bialah polling station (PS) 11 atangin absentee voter 38 (senior citizen 28 leh PwD 10), Kolasib bialah PS 18 atangin absentee voter 54 (senior citizen 50 leh PwD 4) leh Serlui bial PS 16 atangin absentee voter 50 (senior citizen 45 leh PwD 5) an awm a. Kolasib district pumah PS 45 atangin absentee voter 142 (senior citizen 123 leh PwD 19) an awm a ni.
Mobile Polling Team hi bialtu sector officer-ten hoin, an kalna polling station bialtu booth level officer-ten an lo tawiawm a. Absentee voter-te hi an inah kalchilhin vote an thlaktir a ni.
Vote la thlak hman lote chu vawiin – Thawhtanni hian vote thlaktir turin Mobile Polling Team hian an inah an kalchilh leh dawn a ni.
Absentee voter-te vote thlak tan
