AC/DC music video ‘Back in Black’ chuan YouTube-ah vawi tluklehdingawn en a hlawh thei ta a, he Australian band hian YouTube-ah video vawi tluklehdingawn en hlawh thei pahnih a nei ta a, an music video ‘Thunderstruck’ chuan he mellung hi a lo thleng ve tawh bawk a ni.
He hla hi 1980-a an album title track a ni a, he album-ah hian guitarist Angus Young, rhythm guitarist Malcolm Young, bassist Cliff Williams leh drummer Phil Rudd ten an singer thar Brian Johnson ho a album an siam hmasak ber a ni a, Highway to Hell producer Robert John ‘Mutt’ Lange an thawhpui bawk.
An tlangzarh hlimah Back In Black album hi Billboard 200 chart-ah No.4 a kai a, he album-a an hla ‘You Shook Me All Night Long’ hi Billboard Hot 100 (singles) chart-ah No.35 kaiin, an band hla he chart top 40-a lang thei hmasa ber a ni bawk.
AC/DC ‘Back in Black’-in 1B view a kai ta
