2026 Academy of Country Music (ACM) Awards chu an rama Pathianni zan, keini tana Thawhtanni tuk khan MGM Grand Garden Arena, Las Vegas-ah an sem a, Ella Langley-i’n nomination a neihna category pasarihah award dawng vekin, kumin ACM Awards-ah a langsar ber. Tun tum ACM Awards hi vawi 61 an semna a ni.
Ella Langley hian award pasarih a dawn zingah female artist of the year a tel a, a hla “Choosin’ Texas” avangin Song of the Year leh Single of the Year a dawn bakah Riley Green a feature-na “Don’t Mind If I Do” tih hla avangin Music Event of the Year a dawng a, Artist-Songwriter of the Year a dawng tel bawk.
Award ngaihlut ber Entertainer of the Year chu Cody Johnson-a’n dawngin, ani hian Male Artist of the Year a dawng tel bawk.
KuminACM Award semna show hi Sania Twain-i’n a host a, he show a host vawi khatna a ni. Lainey Wilson chuan “Can’t Sit Still’ hlain show a kick off a, Ella Langley, Anna, Johnson, Miranda Lambert, Thomas Rhett & Jordan Davis, Zach Top, Little Big Town, Riley Green, Red Clay Strays, Kacey Musgrave, Carter Faith, Parker McCollum & Lee Ann Womack leh Kane Brown te pawh an perform a, show khar nan Blake Shelton inlanin, Kenny Rogers hla Don Schlitz phuah (thla kalta khan a boral ta a) ‘The Gambler’ hlain show a khar ta a ni.
ACM Awards hi Academy of Country Music member ten award dawng tur vote hmangin an thlang thin a, kumin hi membership tam ber tum niin, member 5,000 chuang an ni. Award-in a huam chin hi 2025 calendar year a ni.
ACM Awards-ah Ella Langley a langsar
