Daily Newspaper

Actor hlawh hnem ber Dwayne Johnson

38

Forbes chuan 2020 Highest-Paid Actors list a tichhuak leh ta a, nikum lama he list-a No.1 tawh Dwayne ‘The Rock’ Johnson bawk a No.1 leh a, Will Smith, Ben Affleck, Adam Sandlers, Ryan Reynolds, Mark Wahlberg te pawh an lang. Forbes chuan actor-te sum lakluh hi an lemchan mai bakah an sumdawnna peng hrang hrang atanga an chhut a ni a, June ni 1, 2019 leh June ni 1, 2020 inkara an sum lakluh anga chhut niin, an chhiah chawi tur an la pek hma anga tarlan a ni bawk.

Johnson hian thla 12 chhungin dollar maktaduai 87.5 hlawh hman angin an chhut a, a sum lakluh hi a sang fâl hle. Johnson sum lakluh hi nikum aiin a hniam hret a, nikumah dollar maktaduai 89.4 lalut angin an chhut a ni. Johnson sum lakluhna lian zual chu a film channa ‘Jumanji: The Next Level’ niin, hei bakah hian Red Notice atangin dollar maktaduai 23.5 lalut angin an chhut a, Under Armour Inc hnuai a Project Rock fitness wear line chu a sum lakluhna lian a ni bawk.

Red Notice-a Johnson-a chanpui Ryan Reynolds chu Forbes list-ah hian No.2 niin, ani hian Red Notice atangin dollar maktaduai 20 hlawh angin an chhut a, Six Underground atangin dollar maktaduai 20 lalut angin an chhut bawk. Ryan Reynolds hian thla 12 chhungin dollar maktaduai 71.5 lalut hman angin an chhut a ni.

Actor leh producer Mark Wahlberg chu No.3 niin, thla 12 chhungin dollar maktaduai 58 lalut hman angin an chhut a, a sum hmuhna lian zualah Spenser Confidential film pawh a tel a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy