Daily Newspaper

ADFA-in Satual leh Phullen Zone thlah

6

Mizoram Football Association (MFA)-in July ni 18, 2020, Inrinni atanga district FA thar pathum (Saitual, Khaw-zawl leh Hnahthial) a function tir dawn tak avangin Aizawl District Football Association (ADFA) chuan a hnuai-a awm thin zone pahnih Saitual leh Phullen thlahna hun a hmang.

Saitual District Foot-ball Association an lo nih dawn tak avangin ADFA chuan zone pa-hnihte thlahna leh lawm-puina hun chu nimin, Zirtawpni khan PWD Staff Lodge, Saitualah a buatsiah a; he hun hi ADFA vice president Laldingliana’n kai-hruaiin, Phullen Zone FA honorary secretary Lalhmingthanga’n Pathian hnena inhlanna hun a hmang thung.

Saitual Zone FA president C. Malsawma leh Phullen Zone FA hruaitu Lalrempuia Ralte chu thusawitu langsar niin, ADFA senior vice president Vanlalrawna chuan Saitual Zone leh Phullen Zone thlahna hun leh District FA thar an lo nih tak avanga lawm-puina hun a hmang.

ADFA honorary vice president Er. Lal-zawmthanga chuan ADFA hmingin thlahna leh lawmpuina thuziak a hlan a, District FA thar an nih lawmpuina’na ADFA-in a indanna Rs. 10,000 hlan a ni bawk.

Saitual Zone leh Phullen Zone thlahna hun hi tunlai boruakin a zirloh avangin Aizawl District Football Asso-ciation OB bakah zone pahnih OB-te chauhin an hmangho thei a ni.

Saitual Zone FA lam hian Aizawl District Football Association chu ngaihhruina thuziak an hlan ve bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy