AIFF Youth League North East Region khelh bultannaah nimin khan Aizawl FC U-17 te chuan Harisinga Town Club chu 4-2 in an hneh.
AIFF Youth League U-17 Group C North – East Region hi Meghalaya leh Assam a khelh a ni a, Shillong, Guwahati leh Kokrajhar a khelh kual tur a ni ang. Team 5 awmin, Group stage a point hmusang pahnih ten Knockout round an lut ang.
North East Zone ah hian Aizawl FC, North East United FC, Shillong Lajong FC, Football 4 Change Academy leh Harisinga Town Club te an in el.
Aizawl FC hi AFC A Licence holder Coach Victor Lalbiakmawia enkawlna hnuaiah an khel a. An khelh hmasak ber Harisinga Town Club lakah hian first half ah hmahruai in an tumpui te an hneh hle a, Mafela chuan minute thumna lekah hmahruaina goal a thun nghal a. Minute 31 ah Mafela hian an goal hnih a thun chhunzawm nghal bawk. First half tawp dawnah PC Pazawna chuan minute 33 ah an goal thumna a thun ve leh a, si thum faia hmahruai chungin chawlhlawk an hmang.
Second half ah an tumpui Harisinga Town Club te chuan goal hnih thunin an inkar an tizim a. Point hmuh beiseina an neih laiin Aizawl FC tan Rothangpuia’n minute 88 naah an goal lina thunin an inkar a tizau nawn leh a, 4-2 in an chak zui ta a ni.
Aizawl FC Under 17 te hian vawiin hian Football 4 Change Academy an khel leh ang
AFC U – 17 an chak nghal
