Daily Newspaper

Afcon 2021 sawn dawn lo

32

Africa khawmuala ram hrang hrangte football hmang an inelna ngaihhluthlawh ber Africa Cup of Nations (Afcon) chu January ni 9, 2022 khian Cameroon ah neih tura ruahman a ni. Covid 19 hripui leng thar leh Omicron chuan Africa khawmual ram hrang hrangte a tibuai mek a, Afcon 2021 khelh theih a ni dawn em tih pawh a chiang lo hman viau. Dinhmun chiang mang lo taka a awm laiin Caf president Patrice Motsepe chuan Afcon 2021 hi kal tlangpui tur a nih thu a sawi a. Amah pawh Cameroon-a Afcon khelhnaah a awm ngei dawn tih a sawi.

Ram 24 te inelna tur Afcon 2021 hi Cameroon khawpui hrang hrang parukah khelh a ni dawn a. A hmuna en tur tan Covid 19 vaccine full dose lak a ngai a. Fill dose la remchang lo tan Covid 19 an kai loh tih tichiang thei tur document an neih ngei a ngai dawn bawk. Africa khawmual hi Covid 19 hripui thar Omicron darh hmasakna khawmual a nih vangin inelna lian neih theih a nih loh mai a hlauhthawnawm hman viau. Hri lakah la fihlim lo hlawm viau mahse inelna neih tlang ngei an tum tlang ta thung a. Caf president Patrice Motsepe chuan inelna neihchhungin a chamchilh tur thu khawvel hriatah a sawichhuak ta hial a ni.

Cameroon hian kum 2019 khan Africa Cup of Nations hi thleng tur an ni a, an thleng ta lo thung. Inelna lian an thleng lo hlen dawn emaw tih laiin Caf President chuan 2021-ah an thlen a phalsak ta hlauh thung. Afcon 2021 thlengtu tur pangngai Ivory Coast chuan 2023-ah an thleng ang a. 2023-a inelna thlengtu tur Guinea chuan 2025-ah an thleng ve thung ang.

Africa Cup of Nations-ah hian champion lai chu Algeria an ni a, an ni hi vawihnih an champion tawh. He inelnaa champion ngun ber chu vawi sarih champion tawh Egypt an ni thung. He inelna hi kum 1957 khan neih tan a ni a, kum 1968 atanga tun thlengin kum hnih danah neih thin a ni. Cameroon in a thlen tur hi a kum 64-na chiah a ni.

Afcon 2021 hi 9 January – 6 February 2022 chhunga khelh a nih dawn a. EPL player engemawzat an tel a ngaih dawn vangin EPL club nghawng buai tak tak a nei thei dawn. Mohamed Salah leh Sadio Mane awm lo tur hi Liverpool tan channa lian tak a tling ngei dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy