Daily Newspaper

Afghan Defence Minister chenna In beih a ni

11

Afghan defence minster chenna In Kabul a awm chu huaisar taka beih niin mi pariatin nunna an chana, kum khat hnua Taliban tena Kabul-a liantham taka chetlakna an neih hmasak ber a ni.

Bismillah Khan Mohammadi chu silai keng tena car bomb hmanga an beih lai hian a chenna in ah a awm lo va, helai hmun hi sipai tena an ven nasat tak Green Zone chhunga awm a ni.

A chhungte pawh hmun danga lakchhuah hman niin Taliban pali lai kahhlum an ni bawk a, Taliban te chuan an tih a nih gnei thu an sawi bawk.

Taliban te chuan sorkar hruaitute an beih zui zel tur tu an sawi bawk a. Hetilai hian Foreign sipai tena Afghan an chhuahsan hnuah Taliban te chuan nasa takin hma an sawn a ni.

Heng Taliban te hian venhimna khauh tak an paltlang thei a, an zinga panga atangin pali kahhlum an ni bawk.

Kabul a cheng te chu kawtthler ah pungkhawm in leng in chung atangin Taliban te chetna an duh lohna lantir nan Allahu Akbar (Pathian a ropui ber) tiin an au bawk a. Hetiang deuh chiah hian Thawhtan khan Herat khawpuiah Taliban te duhlohna lantir a ni tawh bawk.

Mipui tena Taliban te an duhlohna an lantir hi Afghan sipai te tan chuan chaktharna n dawna ngaih a ni a, Afghan sipai te chuan Taliban te ram lak chhuhsak tumin an bei mek reng bawk.

Hetihlai hian chhimlama Helmand province ah Taliban leh sorkar sipai te inbeihna chu nasa takin chhunzawm reng a ni a, Thawhlehni ringawt khan civilian 40 in nunna an chan niin UN chuana sawi.

“Kawng kamah ruang a let rem rum a, heng mi tehi civilian nge Taliban an nih pawh kan hre thei lo” tiin Lashkar Gah a cheng chuan a sawi thu BBC Afghan service chuan a tarlang a. “Chhungkaw tam takin khawpu chhuahsanin Helmand river ah awmhmun an khuar” tiin a sawi bawk.

Afghan sipai te chuan an sahim nan khawpui chhuahsan rih turin civilian te an ngen a, Taliban te nena an inbeihna chu la nasa zual zel turah an ngai a. Taliban te hian district tin deuhthaw an thuhnuaiah an dah tawh a ni.

Lahskar Gah hi Taliban ten an la a nih chuan hlu tak tur niin privince dang te awlsam zawkin an lakphah thei dawna ngaih niin Helmand hi US leh British military campaign neih laia hmunpui bera an neih a n.

Taliban te chuan US leh Afghan indo thlawhna tena sipaite an pui chungin hma an sawn zel a, Taliban te chuan inchhung luhchilhin chuta tang chuan sipai te chu an bei ta tin nia sawi a ni bawk.

Hei vang hian Afghan sipai te chuan mipui te chu aurinna hmangin an chenna in chhuahsana khawpui chhuahsan rih turin an ngen a ni.

Taliban te chuan Kandahar pawh lak tumin an bei mek a, Kandahar hi an hmunpui hlui niin Herat ah pawh inbeihna a nasa zual hle.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy