Daily Newspaper

Afghanistan hmun tam zawkah curfew

18

Afghan sorkar chuan a ram chhung hmun tin deuhthawah curfew a puanga hei hi Taliban tena khawpui hrang hrang an run loh nana invenna atana a tih a ni.

Kabul leh province dang pahnihah te tihlohah chuan zan dar 10 atanga zing dar 4 inkarah pawn chhuah khap tlat a ni a.

Tun hnai thla hnih chhungin international forces tena Afghanistan an chhuahsan tan hnuah Taliban leh Afghan sipaite inbeihna a nasa hle a ni.

Taliban te hian Afghanistan ram pum zahve vel an thuhnuaiah an dah tawh anga ngaih a ni a. UK inlakchhuah hnuah chak takin ram an la duai duai a, ramri leh thingtlang hmunte chu an la deuh vek tawha sawi a ni.

Fundamentalist Islamist militant Taliban-te hi kum 20 kaltaa US-in a run khan an thuneihna paihthlaksak an ni a, tunah erawh kawngpui pawimawh tinte chu an thuhnuaiah an dah leh tawh a ni.

Taliban fighter-te hian khawpui lian zual deuh deuhte chu an hnaih hle tawh a, mahse khawpui an thuhnuaia dah tak chu an la nei lo thung.

“Tharumthawhna tihtlem a nih nan leh Taliban chetvelna tihbahlah nan province 31-ah zan curfew puan a ni” tiin interior ministry thuchhuak chuan a sawi a. Kabul, Panjshir leh Nangarhar-te chu a huam ve lo thung.

Taliban ten hma an sawn zel lai hian kar kalta khan khawpui pawimawh Kandahar khawpui pawnah inkahna nasa tak a thleng a.

US sipaite chuan Kandahar bula Taliban-te hi indo thlawhnain an bei zui bawk a, US-in Afghanistan-a military operation a neih hi 31 August thleng tur chauh a nih tawh laiin Taliban-te hi an chak tial tial bawk si a ni.

US sipaite han October 2001 khan Taliban-te chu Afghanistan-a thuneihna an chan atangin a paihthla a. Taliban-te hian 11 September-a US beihnaa sulsutu ber Osama Bin Laden an hum tlat vang a ni.

Hetihlai hian President Biden chuan Afghansitan atanga US sipai inlakchhuah chu a tul tawh tia sawiin Afghanistan chu khawthlang ram bei tura foreign jihadist-te hmun a ni thei tawh ngai dawn lo tiin a sawi.

Hetihlai hian US intelligence analysts te chuan Taliban te chuan US in a chhuahsan vek hnu thlaruk lekah Afghanistan chu an thuhnuaiah an dah vek theia an rin thu an sawi thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy