Northern leh Central India ram zau tak chu heatwave-in a tuam mek a, Rajasthan-a Churu leh Haryana-a Sirsa ah chuan mercury-in 50 degree Celcius hawlhin Delhi-ah pawh ‘above normal’ aia notches kua lai a ni bawk.
Delhi a weather station pathumah temperature-in 49 degree Celcius chung lam an kawk bawk a. Mugeshpur leh Narela ah 49.9 degree Celcius niiin Najafgarh ah 49.8 degree Celcius a ni thung tiin India Meteorological Department (IMD) te chuan an sawi.
Hei hi capital Delhi a temperature record tawha tun season a la sang ber niin mahse Mugeshpur leh Narena weather station te hi chu kum 2022 a din chauh kha niin tun hnai kum thum bak an la record lo. IMD te chuan heatwave condition chu May 30 atangin a ziaawm tan tur thu an sawi.
Ningani atangin northwest India lamah western disturbance thar a awm dawna chu chuan helai region velah weekend ah ruahsur chhete a thlen theih beisei a ni an ti bawk.
IMD Director General Mrutyunjay Mohapatra chuan northwest leh central India a heatwave condition awm chhan chu May thla chawhnu lama western dusturbances awm loh vang tiin a sawi a. Western dusturbances hi extra-tropical weather system Mediterranean Sea atanga insiama chuta tanga khawthlang atanga khawchhak lama insawn thin a ni.
IMD te chuan weather station 10 laiin maximum temperature record sang ber an tawng vek tia sawiin chung te chu – Agra-Taj (48.6 degrees Celsius), Dehri, Bihar (47 degrees Celsius), Hamirpur, Uttar Pradesh (48.2 degrees Celsius), Jhansi, Uttar Pradesh (49 degrees Celsius), Narnaul, Haryana (48.5 degrees Celsius), Ayanagar-Delhi (47.6 degrees Celsius), New Delhi-Ridge (47.5 degrees Celsius), Rewa, Madhya Pradesh (48.2 degrees Celsius), Rohtak, Haryana (48.1 degrees Celsius), leh Varanasi, Uttar Pradesh (47.2 degrees Celsius) te a ni.
South Rajasthan district Barmer, Jodhpur, Udaipur, Sirohi leh Jalore-ah te chuan Arabian Sea atanga thli hnawng tleh avangin temperature notches li laiin a tlahniam thung a, chu chuan northwest India-a heatwave condition ral tial tialna a lantira ngaih a ni.
Numerical weather prediction model chuan temperature chu tlahniam zelin May 30 atang chuan heatwave condition chu a zuai tan ang an ti bawk a.
May 29 atanga Bay of Bengal atanga thli hnawng tleh chuan May 30 atangin Uttar Pradesh-a maximum temperature a tihniam ang tiin IMD te chuan an sawi bawk.
“Vawiinah erawh severe heatwave condition chuan Rajasthan, Haryana-Chandigarh-Delhi bakah Uttar Pradesh, Madhya Pradesh hmun tam tak te, Bihar leh himachal Pradesh hmun thenkhatte a tuam mek a ni” tiin tarlan a ni bawk.
Jamu and Kashmir a Vidarbha-ah pawh heatwave condition awmin hei bakah hian uttarakhand leh Chhattisgarh hmun thenkhatah a awm bawk.
Rajasthan-a Churu chu India rama khaw lumna ber niin maximum temperature in 50.5 degree Celcius a hawlh a, Haryana-a Sirsa-AWS chuan dawtin 50.3 degree Celcius a hawlh a, Mungeshpur leh Narela (49.9 degrees Celsius), Najafgarh (49.8 degrees Celsius), Sirsa (49.5 degrees Celsius), Ganganagar, Rajasthan (49.4 degrees Celsius), Pilani leh Phalodi, Rajasthan leh Jhansi (49 degrees Celsius) te chuan an zui a ni.
Agnipath hmanga ram dinhmun tiderthawng ti
![](https://theaizawlpost.org/wp-content/uploads/Clipboard01-1158.jpg)