Agri’ minister-in tung chin
pun lama hma lakpui ngen
Agriculture minister PC Vanlalruata chuan Union minister for Agriculture Shivraj Singh Chouhan hnenah Mizorama tung thing chinpun leh tharchhuah lama hma lakpui turin a ngen.
New Delhi-a neih National Conference on Agriculture for Kharif Campaign 2025-a a telnaah Agriculture & Farmers Welfare minister PC Vanlalruata hian Union minister hi a hranpaa hmu in, thu a thlen zingah nasa zawka tung (vernicia fordii) chin leh tung rah tharchhuah kawnga a hranpaa hma lakpui, loneitute mamawh ang lei chi hman tur an ban phaka chhawp theihnan ruahmanna fel zawk siamsak, Market Intervention Scheme hnuaia hmarchhak state sawrkar-te loss sharing ratio 75:25 ni mek chu 90:10 a tih hniamsak leh MOVCD-NER scheme-ah loneituten awlsam zawka organic input an neih zung zung theihnan funding system siamrem sak a ngen a ni.
Kharif Conference-ah hian PM-PRANAM leh lei tha hman tlem telh telh, natural farming hmanga sustainable agriculture kalpui dan tur, National Mission on Edible Oil hmanga thlai hriak nei thar tam dan tur, State Seeds Corporation tuaithar leh thlai chi supply chain tha zawk a awm theihnan SATHI portal pawimawhna sawiho a ni
Agri’ minister-in tung chin pun lama hma lakpui ngen
