AH&Vety hnuaiah progress partner-te tan training

AH&Vety hnuaiah progress partner-te tan training
AH&Vety Department hnuaia Progress Partner te tan Orientation Training leh CM Special Package semchhuahna hun chu nimin khan DC office, Aizawl buatsaihin Vanapa Hall-ah neih a ni.
Training hawnnaah Lalmalsawma Pachuau, IRS,Secretary, Planning &Programme Implementation Department chuan Bana kaih (Hand Holding) Scheme hnuaia CM Special Package dawngtute chu ‘Beneficiaries’ ti lova, ‘Progress Partners’ tih an nih chhan sawiin, Mizoram hmasawnna tura sawrkarin thawhpui atana a thlanchhuah te in nih vang a ni, a ti.
Progress partners mi 203 te hnenah Orientation Training hi pek a ni a. An sum dawn tur hi DBT in an account-ah nimin khan thunluh vek tum a ni a, thunluh hman loh chu vawiinah thunluh vek a ni ang. July ni 24 khan Department 11 hnuaia Progress partners 467 te hnenah CM Package leh hetiang Orientation Training hi pek an lo ni tawh a ni.