AIADMK leh BJP te inkar chuan chhiat lam pan zela langin Dravidian party senior leader chuan BJP nena alliance a awm lo tia sawiin inthlana thawho tur leh tur loh chu la ngaihtuah chauh tur a ti.
Senior AIADMK leader D. Jayakumar, chuan BJP State chief K. Annamalai chu Dravidian stalwart C.N. Annadurai a sawisel avanga na taka chhangletin Chief Minister hlui sawisel chu an ngaidam mai mai dawn lo tiin a sawi.
Annamalai chuan AIADMK leader te J. Jayalalithaa pawh telin a sawisela BJP te hruaitute hi an insum tur a ni an ti bawk a.
“BJP worker ten inzawmna neih an duh chungin Annamalai chuan a duh lo. Kan hruaitute sawisel hi kan teithei ang maw. Eng vangin nge kan kalho zel ang? Helai hmunah hian BJP ten hmun an nei thei lo, in vote bank te kan hria a, keini avanga hriat ni ve chauh in ni” tiin minister hlui chuan a sawi bawk.
“Kan hruaitute sawisel hi kan teithei lo. Kan alliance chungchangah chuan BJP te hi AIADMK te nen an tang dun lo, inthlan dawna tihchian theih chauh a ni a, chu chu kan dinna a ni” tiin a sawi bawk.
Hei hi keima duhdana ka sawi a ni lo va, party duhdan a ni, tiin a sawi bawk.
AIADMK leh BJP te inkar tha lo hle
