All India Institute of Medical Sciences (AIIMS) Forensic Medical Board chuan CBI-in Bollywood actor Sushant Singh Rajput thih dana rinhlehna awm te enfiah tura an ngenna te an bawhzui hnuah SSR chu thah a nih theihna awm hnuhma an hmuh loh thu an puang zo chauh a, hetihlai hian Dr. Sudhit Gupta audio tape a leak-ah SSR chu thah ni a ngei a lan thu a sawina a darh leh ta vawk si a ni.
AIIMS houtpa Dr Gupta hian SSR chu mahni intihlum ni lo va, thah ngei ni a a lan thu hi a sawi a, heng hi SSR ruang thlalak te a en hnu a sawi a ni a, SSR chhungte chuan hetiang boruak a awm thar leh takah chuan forensic investigation tih thar an ngiat leh ta a ni.
AIIMS Forensic hotupa Dr Sudhir Gupta hian a hmaa thuchhuah an siamah chuan, “Kan report chu tihian an khar e. Mahni inawkhlum a thihna a ni. A taksaah inawhhlumna hnuhma bak hliam dang engmah a awm lo. A taksa hmun dang leh a thawmhnawah te pawh inpawh buaina hnuhma hmuh a ni lo,” tiin an tarlang.
Mahse, hetiang thuchhuah hi AIIMS-in an neih hnu lawkah an hotupa ber audio tape leak-ah chuan hetiang lo zawng hian a tawng leh si a, SSR chu thah ni ngei a lan thu a sawi leh si a ni.
(THE AIZAWL POST – Thalaite Huang)
Full>> ePaper Subscribe
