Ailawngah Tourism Day hmang

Nilaini kha World Tourism Day a ni a, Ailawnga Khuangchera Hall-ah Lalrintluanga Sailo, Govt Deputy Chief Whip hovin he ni hi hman a ni.
Govt Deputy Chief Whip chuan, kan hmun pawimawh tak takte hi mi tam tak tân eizawnna \haah kan siam zel a \ul, Pu Rokunga hlain, ‘Hnamdang hmusit mai loin \hianah i siam ang u’ a tih kha a takin kan zawm ang a, heng kan tlangram hmun mawi leh nalh tak tak te hmang hian kan economy kan chawikang zel dawn a ni, a ti.
Ram dang leh hnam dang khual\ha kan neihin helaia kan ei duhzawng leh tih duhzawng te hi lo hluiin lo tihpui thiam ila, an ei \han loh leh tih ngai loh ang taka rawn chettlata rawn awm hi an tân thil thar a nih miau vangin a hlu em em a ni tih i hria ang u tiin tourism chungchang a sawi.
He hunah hian Pu Lalthlamuana, Ailawng Village Eco Tourism Society Chairman chuan, Ailawng Khuain tourism atana hmunhma \ha an ngah thu leh sorkarah pawh ruahmanna tam tak an siam te hmalaksak tura ngenna an siam bakah hmasawnna tura ruahmanna an siam te a sawi bawk.
Pu Jonathan Lalrinawma HoD Dept of Hospitality & Tourism Management ICFAI chuan, tourism hian mi tam tak eizawnna a pe a, mihring hmasawnna tam tak siamtu a ni tiin a sawi.