Daily Newspaper

AIR leh DDK Aizawl hotu hlui thi

23

Doordarshan Kendra Aizawl leh All India Radio Aizawl hotu hlui Sailothanga Sailo (76) chuan July 7 chawhnu dar 2.15 khan cancer vangin a thi a, vawiin – July 8 chawhma dar 10 hian an chenna in Vaivakawnah vui a ni ang.

Kum 1944 April 20 khan Aizawl district Zawngin khuaah Sailothanga Sailo hi a piang a, a pa hi Zawngin lal Pianfela Sailo niin, a nu hi Suangpuilawn lal Lalsavunga Sailo fanu a ni. Unau 15 an ni a, a nupui Rosangi nen fa 6 a nei.

Zirna lamah BA (Hons) niin, kum 1971 khan State Bank of India-ah lutin, Silchar leh Aizawl Branch ah te a awm hman a; 1976-ah Assam Secretariat (Civil) hnuaiah thawk lehin hemi kum vek hian AIR Aizawlah producer, Tribal Music leh Programme Executive hna a chelh. A kaisan hnu ah AIR Imphal, AIR Aizawl leh AIR Tura-ah te awm lehin DDK Aizawlah director-in 1994 khan a awm a, kum 10 a awm hnu ah 2004 khan DDK Guwahati-ah director bawka awmin, hetah hian a pension thlengin Doordarshan North East deputy director general hna a chelh a ni.

Pathian rawngbawlna lamah Vaivakawn Presbyterian Kohhranah a thih ni thleng hian upa a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy