Keini rama thlawhtheihna a chuang tawh tam zawk hi chu Air India, Indigo, Spice Jet tih vela chuang thin kan ni deuh vek ang a, airline tawp ta Jet Airways-ah kan chuang fur tawh bawk ang. Indy Nelson ve thung hi chuan khawvel ram zawng zawng a tlawh chhuak vek tawh a, airlines 170-ah a chuang tawh, khawvela airlines hrang hranga thlawk hnem ber record a siam.
A hmaa hetiang record siamtu chu Japanese Ryuji Furusho a ni a, airlines 156-ah a chuang a, kum 1996 leh 2014 inkara a chuanna te a ni. Nelson ve thung hi chu thla 18 chhungin airlines 170-ah a chuang hman.
Indy Nelson hian college a zawh hlimah loan dollar 80,000 vel lain, khawvel ram zawng zawng tlawh chhuah vek tumin a thawk chhuak a, ram buai tak tak te pawh a tlawh lui zel a, hetia khawvela ram zawng zawng tlawh chhuah vek tuma a zinnaah hian ram thenkhata an lo ringhlel a, man te pawh a tawk deuh rap rap a, tum li lai police ten thu zawhfiah atan an hreng hman a ni.
Airline chi hranga thlawk tam ber
