Kum khat chhunga Aizawl khawpui boruak a bawlhhlawh lai ber a thleng leh a; kumhlui thlah zana halpual leh halmawi hal nasat vang nia ngaih a ni.
Mizoram Pollution Control Board hotute sawi danin, 2021 December 31 zana boruak bawlhhlawh dan tehna Aizawl hmun lun laia an dah zingah, Sikulpuikawn ami chauh a result an la enfiah a. Hei hmunah hian December 31 zing dar 6 leh zanlai chhoa boruak tibawlhhlawhtu – particulate matter (PM) an tih, PM 10 intam hleih dan chu zaa 297 a ni a. Hei aia boruak tibawlhhlawhtu sin zawk PM 2.5 phei chu zaa 2700 in a inthlau a ni. Aizawla hmun lun zawk lamah chuan halpuah leh halmawi hal vang hian Sikulpuikawn ai daihin boruak a bawlhhlawh rin a ni.
MPCB hotute sawifiah danin, PM 10 leh 2.5 te hi a sin em avangin mit lawnga hmuh theih a ni lo a; 2.5 phei chu a sin leh zual avangin chuapah a tang nghet zual a, paih chhuah leh mai theih pawh a ni lo a ni.
