Mizoram khawpui Aizawl Day hman a ni chu lawmawm an tih thu BJP chuan an sawi.
BJP Mizoram Hqrs. thuchhuak chuan, AMC buatsaiha Aizawl Day vawi 133-na lawm a ni chu lawmawm tiin, Aizawl khawpui kum 133 a ni hian Aizawla cheng hmasate fakawm a tih thu a sawi.
‘Khaw hrang hrangin kan khaw dincham kan lawm thin anga Aizawl Day lawm a ni hi a lawmawm a, Aizawl Mihlun Thlahten hun rei tak ata Aizawl Day an buatsaih thin chu huapzau zawka Aizawl khawpui enkawltu AMC kuta an dahthiam hi an fakawmin Aizawla cheng mi chitin tan zalen tak leh neitu taka kan hmanga thei hi a lawmawm hle a ni,’ a ti.
Aizawla cheng hmasaten hun harsa tak kara an lo luahlum chu vawiinah chuan mi nuai 5 chuang awmna a lo ni ta, tiin, hetihrual hian Aizawl khawpui chu vawiina cheng mekte ta a nih avangin, Mizoram hmel lanna pawimawh ber pakhat a ni tih BJP hian a sawi a. Thianghlimna leh faina kawngah state dang leh Mizoram district dangte tan entawntlak ni theia theihtawp chhuaha hma la zel turin an inngen tih a sawi.
‘Mizoramah sawrkar tha, BJP sawrkarna state ten hmasawnna an neih ang, development tluantling Mizorama kan neihna turin Aizawl mipui hian hmun pawimawh tak kan chang a ni tih inhria a, ngaihtuahna fim tak hmang turin Aizawl mipui kan sawm a ni, BJP Mizoram thuchhuak chuan a ti.
Aizawl Day hman vangin lawm
