Ruihhlo vanga tuar nasa ber a chhut theih loh mai thei a, mahse ruihhlo vanga nunna hlu tak chan hi ruihhlo vanga tuarna pawi ber a ni ang; chuti zawnga chhut chuan Aizawl district hi a tuar nasa ber an ni.
izoram Excise & Narcotics (MEN) department chhinchhiah danin, 2020 hnu lamah Mizoramah mi 351-in ruihhlo vangin nunna an chan tawh a, chung zinga mi 274 chu Aizawl district mi an ni.
Lunglei district-ah mi 69-in nunna an chan a, Champhai district-ah mi 58-in nunna an chan. A tlem lamah Hnahthial district-ah 2020 hnua ruihhlo vanga nunna chan zat chu pakhat a ni a, Lawngtlai district leh Khawzawl district-ah mi pahnih ve vein nunna an chan.
2020 hnua ruihhlo vanga nunna chante hi mipa 305 leh hmeichhia 46 an ni a, mi 78 chu heroin vanga nunna chan an ni.
Heroin hi 2020 hnuah kg 212.987 an man tawh a, hei hi khawlai rate-ah Rs 64,91,83,431.12 man tura chhut a ni. A sum zawnga chhuta tam ber chu methamphetamine a ni a, an man zat chu kg 568.991 niin, Rs 85,34,86,350.00 man tura chhut a ni. Ganja kg 1566.622 an man a, Rs 1,25,32,975.90 man tura chhut a ni.
2020 hnua MEN department-in ruihhlo an man zawng zawng hi Rs 1,52,43,61,058.20 man ni turin an chhut.
2020 hnua ruihhlo vanga nunna chan zat
District Nunna
chan zat
Aizawl 274
Lunglei 69
Siaha 42
Champhai 58
Kolasib 8
Serchhip 28
Lawngtlai 2
Mamit 4
Khawzawl 2
Saitual 3
Hnahthial 1
Aizawl District-in ruihhlo tuar nasa ber
