Mizorama MLA Constituency 40 zinga basketball inelna kaltluang rei ber Aizawl East II Invitation Basketball Tournament chu August ni 18 zan khan tan a ni.
Inkhel hmasa berah Dawrpui veng chuan an veng thenawm Chhinga Veng chu champion lai mah ni se, an champion lal ramah luhchilhin an nomawi chhuhsak ngei tumin 78-68 in an hneh!
Anni veng thenawm pahnih hian basketball huanga an inrina ah Dawrpui hian Chhinga Veng champion ramri hi an thiah sak a, tournament kal lai a nung nghal at e.
August ni 10, 2026 zana Armed Veng derby-ah Armed Veng South chuan inelna thlengtu Armed Veng chu inkhel inhnehtawh takah 55-48 in an tual zawlah an tlawm!
Armed Veng lam hian Mizoram huap pawha player tha Chpa leh Dave-a kawl mah se, team anga an inbuatsaihna a that loh avangin an veteran player Mafaka ten la uap mah se, semi finals lut turin an kawng a khirh sawt!
The Aizawl Post Hoops Mania in inelna hnuhnung bera Most Promising Player-a a thlan, Armed Veng rawlthar Malsawmhlua Pachuau (Mala) khelh loh a langsar hle bawk.
Armed Veng South-ah hian an rawlthar tha Felix-a khel lo mah se, player tha an kawlte zinga The Aizawl Post Hoops Mania Player of the Match ‘Jonah (20 pts) a khel tha fal hle.
Ani hi Mizo baller zinga offensive player tha huanga khung theih ni mah se, defense lama a teammate-te a puih that loh chuan an tan champion kawng a bumboh ang.
An veng player zinga D League khel phak tun dinhmuna awmchhun Zorina a inthlahdah a thiang dawn lo va, Sarat-a leh Sangsanga te khelh that a pawimawh zui ang.
Zanina inkhel tura duan lawk chu match official lamin rokhawlhna an neih avangin inrinni zanah sawn vek a ni e.
Aizawl East II Invitation Basketball Tournament Dawrpuiin Chhinga Veng champion ramri thiat!
